Եգիպտական բուրգերի գաղտնիքը.....

Ժամանակի ու տարածության սահմանը հատած աշխարհի յոթ հրաշալիքներից մեկի` եգիպտական բուրգերի խորհրդավոր գաղտնիքը գուցե եւ բացահայտվի:
Գիտնականներն անընդհատ փորձում են պարզել ու բացահայտել` ինչպես են հին եգիպտացիները կառուցել իրենց հսկայական բուրգերը. չէ՞ որ այն ժամանակների ճարտարապետությունն այդչափ մանրակրկիտ ու պրոֆեսիոնալ աշխատանքի հնարավորություն չէր տալիս:
Այնքան էլ հեշտ չէ հասկանալ, թե չունենալով տեխնիկական միջոցներ ու համապատասխան սարքավորումներ` ինչպես էր հնարավոր ստեղծել ճարտարապետական գլուխգործոց:
Ու եթե բուրգերը` որպես փաստացի ապացույցներ, մինչ օրս գոյություն չունենային, գուցե եւ դրանց մասին պատմությունները ֆանտաստիկ գրականության շարքը դասվեին:
Բայց փաստն աշխարհում ամենահամառ երեւույթն է:
Աշխարհի յոթ հրաշալիքներից մեկը շարունակում է մնալ գիտնականների ուսումնասիրությունների ամենախորհրդավոր առարկան:
Գիտնականներին առաջին հերթին հետաքրքրում է` ինչպես են եգիպտացիները որոշել, թե որտեղ տեղադրեն հսկայական քարե սալիկները, եւ ինչպես է գլխավոր ճարտարապետն այդչափ ճշգրիտ ու մշակված գծագրեր կազմել ու փոխանցել շինարարներին:
Գիտության ու տեխնիկայի նորվեգական ինստիտուտի ճարտարապետ Օլե Բրինը (Ole Bryn) եգիպտական բուրգերի գաղտնիքի բացահայտման նոր ճանապարհներ է առաջարկել:
Պարզվում է` այդ գաղափարը նրա գլխում ծագել է Քեոփսի բուրգի ուսումնասիրությունների ընթացքում:
Այդ շինությունը, ինչպես հայտնի է, բաղկացած է 2.3 միլիոն քարե աղյուսներից, որոնք միասին կշռում են մոտ 7 միլիոն տոննա: Ավելի քան 3000 տարիների ընթացքում «ամենաբարձր» տիտղոսը պատկանում էր հենց այդ շինությանը (146.6 մ):
Բուրգի ամենամեծ առանձնահատկությունը դրա ուռուցիկ պատերն են:
Հաշվի առնելով այն իրողությունը, որ ճարտարապետական կառույցի «գծագրի» ամենակարեւոր հատվածը բուրգի գագաթն է, Օլե Բրինը փորձել է եգիպտական «չափորոշիչներով» վերականգնել գծագիրը` չդիմելով բարձրագույն մաթեմատիկական հաշվարկների:
Նորվեգացի գիտնականի հավաստմամբ` չափազանց բարդ կառույցի շինարարական գաղտնիքն իրականում ավելի քան պարզ է. եգիպտացիները պարզապես ստեղծել են շինության, այսպես կոչված, «կոտրող ցանց» (разбивочную сетку), ինչը, ի դեպ, այսօր լայնորեն կիրառվում է շինարարության մեջ:
Այդ «ցանցի» էությունը հետեւյալն է. ընտրվում է որոշակի կենտրոն, դրանից դուրս են գալիս որոշակի առանցքներ, ու բարդ, բայց համաչափ կառույցի շինարարության համար պահանջվում է պարզապես ճշգրտորեն պահպանել ու հետեւել աղյուսների միջեւ ընկած հեռավորությանը:
Բրինը ցույց է տալիս, որ եգիպտացիների բոլոր հաշվարկների հիմքում 7 թիվն է: Այս թվից օգտվելը բավականին հեշտ էր, քանի որ բուրգի գծագիրը պատկերելու եւ ճիշտ ծավալները պահելու համար բավական էր ափով չափել դաստակը:
Գիտնականը համոզված է, որ եգիպտացիները նախապես մշակում էին գծագրեր, որոնք էլ ցանկացած բուրգ, թեկուզ ոչ շատ արագ, բայց չափազանց ճշգրիտ կառուցելու հնարավորություն էին տալիս:
Ենթադրվում է, որ Քեոփսի բուրգի շինարարությունը սկսվել է մ.թ.ա. 2560 թ-ին, եւ կառուցվել է 20 տարվա ընթացքում: Դրա կառուցման համար պահանջվող քարերը բերել են Նեղոսի արեւելյան կողմից:
Բուրգը կառուցելու համար պահանջվել է 2.5 տոննա կշիռ ունեցող 2.3 միլիոն քարե աղյուսներ:
Բուրգին վերաբերող հետաքրքիր փաստեր շատ կան:
Նախապես 146 մ բարձրություն ունեցած գագաթի երկարությունը ներկայումս 137 մ է դարձել:
Հնագույն աղբյուրների համաձայն` Քեոփսի բուրգի ճարտարապետը եղել է նրա զարմիկ Քեմիունը, ով նաեւ «բոլոր շինարարությունների փարավոն» տիտղոսն էր կրում:
Որքան էլ համոզիչ ու ճշմարտացի են թվում գիտնականների ուսումնասիրությունները, ենթադրություններն ու հաշվարկները, միեւնույնն է, եգիպտական բուրգերը եւ մասնավորապես Քեոփսի բուրգը շարունակում են մնալ մարդկության համար ամենախորհրդավոր ու ամենաառեղծվածային գաղտնիքներից մեկը:
չգիտեմ ինչքանով է ճիշտ բայց այսօր դասախոսս ասեց որ այսպիսի  բուրգ հայտնաբերել են որևէ օվկիանոսի կամ ծովի տակ,,,հետազոտությունները ցույց են տվել որ որ այդ բուրգը կապի մեջ է Մարս մոլորակի հետ....այժմ հետազոտում են նաև եգիպտական բուրգերը .......գիտնականների կարծիքով եգիպտական բուրգերը նույնպես կապի մեջ են Մարսի հետ.............ասեմ որ սա հաստատ չի ուղակի ինձ շատ հետաքրքրեց որոշեցի ձեզ նույնպես տեղեկացնեմ......