Ինչու? ինչպես? երբ?

Դու մի կարծիր ,թե աղջիկը
Երբ նայում է,ժպտում է քեզ
Ասել է,թե եկ իմ գիրկը
Ասել է,թե քոնն եմ ես
Աղջիկներ կան պարզ ու վճիտ
ԵՎ սրտաբաց ու անվիշտ
Որ դառնում են հզոր դարպաս
Չսիրողի առաջ միշտ:
Թե չես կարող երգեր գրել
Ես կգրեմ քո փոխարեն
Թե չես կարող սրտանց երգել
Թող ես երգեմ քո փոխարեն:
Թե չես կարող մեկին սիրել,
Ես կսիրեմ քո փոխարեն,
Սակայն ինչպես ես ինձ սիրեմ,
Ինչպես սիրեմ քո փոխարեն:
Այս ուշ գիշերին ես հանկարծ քեզ հիշեցի,
Քեզ,որ սրտիս մեջ դարձար տիրակալ,
Քեզ հիշելով այս գիշեր փողոցներով  շրջեցի,
Բայց ամոքում չգտա կարոտ կոչվող իմ վերքին:
Այս ուշ գիշերին ես ինձ գինով զգացի
Տառապանքիս մեջ ապրած տառապանքս մոռացա,
Քեզ գտնելու ,սիրելու ուրախությունս լացի,
Քեզ նվիրած օրերիս հուշերի մեջ խորացա: