Ուրիշ Հանդիպում...

Հանդիպել ենք միջավայրում այնպիսի,
Որ չենք կարող առանձնանալ մեկուսի:
Մի հայացքով հասկանում ենք մենք իրար,
Բայց զսպում ենք մեր  կրքերը խելագար....
Ամեն քայլը,ամեն խոսքը ,բառը մի
Քննարկմանն է արժանանում բոլորի:
Երազում ենք գեթ մի վայրկյան հանդիպել,
Բայց անզոր ենք տիրող կարգը թոթափել....
Տառապում ենք միջավայրում մանր ու նեղ:
Ախ,երանի հանդիպեինք ուրիշ տեղ:
***
Այդ երեկո մարդիկ կային անհամար,
Այդ երեկո անհնար էր մոտենալ:
ԵՎ որպեսզի չկասկածեն մեզ բնավ,
Այդ երեկո չնայեցինք մենք իրար:

Այդ երեկո մարդիկ բնավ չիմացան,
Որ հրդեհված երկու սրտեր միացան:
Իրար էինք միայն տեսնում անդադար,
Սակայն բնավ չնայեցինք մենք իրար....
***
ՈՐՏԵՂ Է ԵՐԿՐԻ ԿԵՆՏՐՈՆԸ

Երկրի կենտրոնը ոչ-ոք չգիտի:
Զարմանալի է,որ չեք իմանում:-
Այնտեղ է միայն կենտրոնը երկրի,
Որտեղ ձեր սիրած էակն է լինում....