Այս օրը ծնվել է առաջին մոտոցիկլետի ստեղծող` Գոտլիբ Դայմլերը:

Գերմանացի ինժեներ Գոտլիբ Դայմլերը աշխատում էր Օտտո ֆիրմայում, որտեղ զբաղվում էր ներքին այրման շարժիչների ստեղծմամբ: 

Տաս տարի հետո գործընկեր Մայբախի հետ հիմնում են իրենց սեփական ֆիրման: 1885թ. Դայմլերի շարժիչը, հաջողությամբ անցնելով փորձարկման փուլն, արդեն պատրաստ էր օգտագործման համար: Պարզվեց, որ այն տեղադրելու համար ամենահարմար տարբերակը հեծանիվն է, որն էլ 1885թ. օգոստոսի 29-ին արտոնագրվում է՝ որպես «Նավթե շարժիչով փոխադրման միջոց» և առաջին անգամ ներկայացվում նոյեմբերին: 

50 կգ-ոց, մեկ ցիլիդրե բենզինե շարժիչով, 264 քառ. սմ աշխատանքային ծավալով փայտյա շրջանակով հեծանիվն ուներ 0,5 ձիաուժ հզորություն: 

Առաջինը այն որոշում է վարել Մայբախը: Դայմլերը երկար է սպասում Մայբախի վերադարձին, և վերջապես հայտնվում է նա. անջատում է շարժիչը, մոտոցիկլը կանգնեցնում իր տեղը և, հոգոց հանելով, ասում. «Սա մեքենա չէ Գոտլիբ, սա ոսկոր մանրացնող սարք է: Ես Ձեզ շնորհավորում եմ»: 

Սակայն տրանսպորտի այս նոր տեսակը բավականին հաջող էր, և արդեն իր առաջին տարբերակով շատ նման էր ժամանակակից մոտոցիկլին: