Copy SMS

<<Եվրատեսիլ >>-ի պատճառով մարդիկ անտուն են մնացել

<<Եվրատեսիլ >>-ի  պատճառով մարդիկ անտուն են մնացել  - եվրատեսիլ, մրցույթ, զարմանալի , հետաքրքիր


''Ոչինչ այնքան չի բարձրացնում ազգային ինքնավստահությունն ու պետության հզորությունը, ինչպես նավթի և բնական գազի պաշարների առկայությունը: Ադրբեջանի Հանրապետությունը բացառություն չէ'':

Այսպես է սկսվում ամերիկյան ''Նյու Յուրք Թայմս'' ամերիկյան պարբերականում Քարնեգի հիմնադրամի ավագ փորձագետ Ջուդի Դեմփսիի հրապարակված հոդվածը, որտեղ նշվում է, որ ''Եվրատեսիլ'' երգի մրցույթի մոտենալուն պես Ադրբեջանի իշխանությունները քրտնաջան աշխատում են Բաքվի ''Բյուրեղյա դահլիճի'' շինարարությունն ավարտելու ուղղությամբ, որտեղ և անցկացվելու է մրցույթը:

''Այս շենքը մեծ հպարտության պատճառ է երկրի նախագահ Իլհամ Ալիևի համար, սակայն ոչ՝ մոտակայքի բնակիչների'',- գրում է հեղինակը՝ հիշեցնելով, որ դեպի Կասպից ծով նայող այս հսկա համալիրը կառուցելու համար տեղ ազատելու նպատակով բազմաթիվ մարդիկ վտարվել են իրենց բնակարաններից, դատարան դիմածների գործերը՝ կասեցվել, իսկ իրենց բնակարաններից վտարվածներին սատարելու արշավների մասնակիցները՝ կալանքի տակ վերցվել կամ բանտարկվել:

''Կարելի էր մտածել, որ Ադրբեջանի վարչակարգը, ''Եվրատեսիլ'' երգի փառատոնի նախօրեին, կգործադրեր բոլոր ջանքերն իր պատկերը բարելավելու համար: Սակայն այն հակառակ քայլեր է կատարում'',- գրում է Դեմփսին:

Հոդվածում մեջ է բերվում Բաքվում գործող ''Ազգային և միջազգային ուսումնասիրությունների կենտրոն'' կազմակերպության նախագահ Լեյլա Ալիևայի խոսքը, որի համաձայն` ''նավթի վաճառքից ստացված գումարները հեշտացնում են ընդդիմության և անկախ լրատվամիջոցների նկատմամբ ցուցաբերվող վերաբերմունքի քննադատությունն անտեսելու վարչակարգի գործը'':

''Վարչակարգը շատ ինքնավստահ է'',- ասում է Լեյլա Ալիևան:

Հոդվածի հեղինակը նշում է, որ ''Human Rights Watch'' կազմակերպությունը հաղորդել է վերջին մի քանի ամսվա ընթացքում լրագրողների դեմ ուղղված ճնշումների և բռնությունների դեպքերի ավելացման մասին: Կազմակերպության համաձայն` ''ժողովրդավարության ջատագով կազմակերպությունների առաջնորդները կանոնավոր կերպով կալանավորվում և բանտ են նետվում: Խաղաղ ցույցերը ցրվում են, մասնակիցները՝ ձերբակալվում և ծեծի ենթարկվում: Բանտարկության մեջ են գտնվում նաև մեկ տասնյակից ավելի քաղբանտարկյալներ'':

''Վերլուծաբանների համաձայն` նախագահ Ալիևը հույսեր ունի, որ ''Եվրատեսիլ'' երգի փառատոնը կնպաստի Եվրոպայում իր երկրի համբավի բարելավմանը: Նրա քննադատներն իրենց հերթին ցանկանում են, որպեսզի փառատոնն ուշադրություն գրավի Ադրբեջանում մարդու իրավունքների տեղի ունեցող բազմաթիվ խախտումների վրա'',- եզրափակում է ''Նյու Յորք Թայմս'' պարբերականում հրապարակված հոդվածի հեղինակ, Քարնեգի հիմնադրամի ավագ փորձագետ Ջուդի Դեմփսին:

<<Եվրատեսիլ >>-ի  պատճառով մարդիկ անտուն են մնացել  - եվրատեսիլ, մրցույթ, զարմանալի , հետաքրքիր

6

13

937