Copy SMS

Ես բացահայտել եմ քեզ

Ես բացահայտել եմ քեզ  - սեր , զգացմունք , տխուր

Ես ամեն անգամ բացահայտում եմ քեզ մինչև վերջ, հիասթափվում քեզանից, հետո մոռանում հիասթափությունս ու սկսում քեզ նորից բացահայտել մինչև վերջ… մինչև հիասթափություն:


Երևի զարմանաս ասածիս  վրա, որովհետև ես էլ եմ զարմացել, բայց էլ քեզ չեմ սիրում: Ու պատճառը այն չէ, որ սրտիս զարկերն են դանդաղել, դողս է անհետացել կամ էլ մոռացել եմ այն բոլոր օղակները, որոնք անկախ մեզնից կապում են իրար մեր հոգիներն ու մարմինները… ուղղակի այս անգամվա բացահայտումս շատ է խոցելի:

Եթե փորձեմ բացատրել քեզ իմ կյանքի օրենքները (ինչպես դու քոնն ես անում), միգուցե և ոչինչ չհասկանաս:

Ես ապրում եմ անկախ բոլորից, կախյալ` քեզնից:

Դու ապրում ես անկախ ինձանից, բայց ինչից ես կախված, ես դա չգիտեմ (միգուցե մեզ կապող օղակներից):

Այժմ ես քո առաջ դերասանություն եմ անում, ցույց տալիս, թե ինձ համար ամեն ինչ միանշանակ է, անկարևոր ու թեթև: Դու զգում ես իմ անտաղանդ խաղը. դու ծափահարում ես ինձ:

Անկեղծ, ես այնքան եմ ափսոսում իմ այս վերջին հիասթափության համար: Երբ փլուզվել է մեջս ամեն ինչ, երբ ցավ կա, որ չի վերականգնվելու:

Ես բացահայտել եմ քեզ մինչև վերջ, վերջին անգամ:
9

4

1066

  • ASTGHIK
    2012-05-05 17:47:15
    (լավ)
  • Էմմա
    2012-05-05 18:05:45
    մերսի
  • ☆Viki ☆ FCB.........
    2012-06-03 21:00:24
    (լավ) (լավ) (լավ) (լավ) (բռավո) (բռավո) (բռավո) (բռավո) (բռավո)
  • Էմմա
    2012-07-07 11:19:00
    մերսի