Քոփի-առողջարան

Կրկին ողջունում եմ բոլորիդ ու շարունակում տալ օգտակար տեղեկություններ:Քանի որ առջևում ամառ է,այսօր կխոսեմ ամենահամեղ ու << զովացուցիչ >> վիտամինի`վիտամին C-ի մասին: 

Վիտամին C

Վիտամին C-ն (ասկորբինաթթուն) բարձրացնում է օրգանիզմի դիմադրողականությունը, նվազեցնում է շնչուղիների հիվանդությունների հավանականությունը, կարգավորում մազանոթների թափանցելիությունը` նպաստելով ողջ անոթային համակարգի առաձգականության բարելավմանը։

Վիտամին C –ի օրական նորման կազմում է 60 մգ: (Ծխոխների համար 100 մգ):

Բարերար ացդեցություն ունի ԿՆՀ-ի վրա, խթանում է էնդոկրին(ներզատիչ) գեղձերի գործունեությունը, նպաստում օրգանիզմի կողմից երկաթի յուրացմանն ու արյան արտադրմանը, արգելակում է քաղցկեղածին նյութերի գոյացումը։. Վիտամին C-ի մեծ քանակությամբ օգտագործումը շատ օգտակար է շաքարային դիաբետով հիվանդների, ծխախոտամոլությամբ տառապողների, հակաբեղմնավորիչ դեղահաբեր օգտագործող կանանց, ինչպես նաև մարսողական համակագի հետ խնդիրներ ունեցող տարեցների համար։

 Օրգանիզմում վիտամին C-ի անբավարար քանակը արտահայտվում է հետևյալ համախտանիշներով. մշտական հոգնածություն, լնդերի արյունահոսություն, տարբեր վարակների դեմ օրգանիզմի դիմադրողականության ընդհանուր անկում։ Վիտամին C-ի սուր անբավարարության դեպքում կարող է առաջանալ ցինգա`լնդախտ, որն ախտորոշվում է այտուցի, արյունահոսության և ենթամաշկային կետավոր արյունազեղումների առկայությունով։

 Չնայած այն շատ համեղ ու օգտակար հատկություններ ունեցող վիտամին է,այնուամենայնիվ դրա չարաշահումը կարող է հանգեցնել ոչ ցանկալի հետևանքների,մասնավորապես լյարդի և ենթաստամոքսային գեղձի խանգարման:

Իսկ հիմա տեսնենք թե որ սննդամթերքների մեջ է պարունակվում բավարար քանակությամբ վիտամին C 

Պապայա (1 հատ,միջին,թարմ) 187 մգ

Դեղին պղպեղ (1 բաժակ, կտրատած, հում) 170 մգ

Կարմիր պղպեղ (1/2 բաժակ, կտրատած, հում) 141 մգ

Դեղձ (1/2 բաժակ, շերտատած, սառեցրած) 117 մգ

Սեխ-փոքր (1/2, թարմ) 116 մգ

Կանաչ կծու պղպեղ Չիլի (1 հատ, 109 մգ

Նարնջի հյութ (3/4 բաժակ, թարմ քամած) 93 մգ

Նարինջ (1 հատ միջին) 69 մգ

Լոռամրգի հյութ (3/4 բաժակ) 67 մգ

Թուրինջի հյութ (3/4 բաժակ, թարմ քամած) 62 մգ

Կաղամբ Բրոկկոլի (1/2 բաժակ, եփած) 58 մգ

Ելակ (1/2 բաժակ, թարմ) 47 մգ

Հիշեք նաև,որ վիտամին C –ն ակտիվացնում է իմուն համակարգը` պաշտպանելով մեզ վարակներից և քրոնիկ հիվանդություններից:

Հ.Գ. կարող եք կատարել առաջարկություններ հաջորդ բաժնի համար

Սիրով ձեր Սմբատ