Կոկա-կոլա VS Պեպսի

Անհնար է, որ գազավորված ըմպելիքի երկու գլխավոր բրենդները խաղաղ ապրեն: Նրանք մրցակցում են ամեն ինչում` ո՞ր մեկն է ավելի համեղ, ու՞մ շիշն է ավելի գեղեցիկ, ու՞մ գովազդն է ավելի թանկարժեք, ու՞մ գովազդն է ավելի ջերմ: Էլ չենք խոսում վաճառքի ծավալների մասին: Դարավոր ճակատամարտի ընթացքում պարտությունների պատճառով թռնում են մենեջերների գլուխներ, որոնց փոխարինելու են գալիս նոր գեներալներ նոր նախագծերով և նետվում են մարտի դաշտ: Իսկ մենք` սպառողներս, հետևում ենք այս ճակատամարտին գլխավոր տրիբուններից, քանի որ մենք էլ ենք մասնակցում այս պայքարին` նախապատվությունը տալով այս կամ այն ըմպելիքին:

Սկիզբը

Coca Cola և Pepsi ընկերությունների պայքարը սկսվեց 1898 թվականին: Հենց այդ ժամանակ` Coca Cola-ի հայտնվելուց 12 տարի անց, դեղագործ Կալեբ Բրեդհեմը վաճառեց իր առաջին Brad’s Drink-ը, որը հետագայում վերանվանվեց Pepsi Cola: Մեծ ճգնաժամի ժամանակ Pepsi-ն վաճառվում էր 340մլ-անոցշշերով, մինչդեռ Cola-ն` 170: Իսկ գինը նույնն էր` 5 ցենտ ամեն շշի դիմաց: Իսկ գովազդում ասվում էր. «Պեպսի-կոլան ճիշտ թիրախին է կրակում: Երկու անգամ ավելի շատ նույն գնի դիմաց: պեպսի-կոլա` ըմպելիք ձեզ համար»:

1936-38 թթ-ին Pepsi-ն կրկնապատկեց իր վաճառքը: Թերևս Pepsi-ն այսօր էլ` 75 տարի անց,  հավատարիմ է «ավելի շատ նույն գնով» կարգախոսին, օրինակ Ռուսաստանում Coca Cola-ն վաճառվում է 0.5 լիտրանոց, իսկ Pepsi-ն` 0,6 լիտրանով շշերով:

Շուկայական պայքարը գագաթնակետին հասավ այն ժամանակ, երբ 80-ականներին «կույր թեստերը» ցույց տվեցին, որ սովորական բաժակներից գազավորված ըմպելիք խմելիս մարդիկ նախընտրում են Pepsi-ն:

1895 թվականի գարնանն առաջին անգամ նյարդայնացած Coca Cola-ն արեց այն, ինչը պարզապես «խայտառակ արեց» ընկերության ողջ թոփ-մենեջմենթին: Արտադրվեց New Coke ըմպելիքը, որն ավելի քաղցր էր և ընդգծված վանիլային և նարնջային համերով, այսինքն` համն ավելի մոտ էր մրցակցի համին: Հետաքրքրական է, որ «կույր թեստերի» արդյունքներում մարդիկ ընտրում էին նոր կոլան, սակայն ապացուցված փաստ է, որ շուկայական հետազոտություններն ու իրական կյանքը ընդհանուր քիչ բան ունեն: Սկսվեց հասարակական սկանդալ. դասական Coca Cola-ի երկրպագուները համախմբվեցին և պահանջեցին վերադարձնել հին Coca Cola-ն: «Հին կոլայի սիրահարների կազմակերպությունը» մի քանի հարյուր հազար համախոհներ ունեցավ և ընկերությանը դատի տվեց: Ընկերությունը կանգնեց փաստի առաջ. պետք էր վերադարձնել հին ըմպելիքը: Կես տարի անց խանութներում հայտնվեց Coca Cola Classic-ը: Որոշ ժամանակ անց Classic բառը հանվեց:

Չկա չարիք առանց բարիք. հին կոլայի պաշտպանության արշավը հանգեցրեց վաճառքի մեծ աճին: Թեև դա արդեն չէր ուրախացնում նախաձեռնող թոփ-մենեջմենթին, քանի որ նրանք բոլորը հեռացվել էին աշխատանքից: Եվ Pepsi-ն կրկին հետ մնաց: 1991 թվականին Pepsi-ն ռեբրենդինգ արվեց` փոխելով լոգոն:

90-ականների պայքարը

Վերադառնանք 90-ականներին: Առևտրային նշանի համաշխարհային կերպարանափոխման մասշտաբային նախագծի աշխատանքները սկսվեցին 1992 թվականին: Խնդիրները արագորեն առաջ քաշվեցին: Գլխավոր խնդիրը կայանում էր նրանում, որ Pepsi շշերը նույնքան հայտնի ու ճանաչելի դառնային, որքան Coca Cola-յի կարմիր շշերը: Բացի այդ, նախագիծը պետք է որքան հնարավոր է անցներ Pepsi-ի սովորական գովազդներից, հատկապես որ այդ ժամանակ ընկերությունը հսկայական վնաս կրեց. գովազդների հերոսՄաքյլ Ջեքսոնին մեղադրեցին մանկապղծության մեջ, և Pepsi-ն ստիպված հրաժարվեց փոփ արքայից:

Ընկերությունը աչքի անցկացրեց ավելի քան երեք հազար նախագիծ: Հաղթեց Landor Associates ընկերության Project Blue նախագիծը: Pepsi-ի հետ կապված ամեն ինչ պետք է դառնար կապույտ: Որոշվեց նաև Pepsi-ի նոր նշանաբանը. «Pepsi-ն փոխում է սցենարը»:

Մինչդեռ Pepsi-ն սցենարն էր փոխում, Coca Cola-ն առաջ էր գնում:

Պայքարից անմասն չմնացին նաև ընկերությունների լոգոները: Coca Cola-ի երկրպագուները ստեղծել են հետևյալ նկարը, որտեղ գրեթե ճշգրտորեն նկարագրվում է, թե ինչպես են փոփոխվել ընկերությունների լոգոները (նկարը փոքր-ինչ չափազանցված է):

Այսօր…

Pepsi-ն հասկանում է, որ շատ է պարտվել, սակայն հանձնվել չի պատրաստվում: Պայքարն ավարտված չէ: Իսկ ի՞նչ եք խմում Դուք