Ադելի երգը փոքրիկ աղջկան կյանք է վերադարձրել

Ամենաազդեցիկ երգչուհիների ցանկում հայտնված Ադելը կրկին զարմացրել է բոլորին: Սկզբում բրիտանացի այս երգչուհին իր մրցանակների չտեսնված քանակով էր զարմացնում, իսկ այժմ խոսքը մարդուն կյանք վերադարձնելու հատկության մասին է:

Բրիտանական լրատվամիջոցները հաղորդում են, որ Rolling in the Deep ստեղծագործությունը կոմայից դուրս է բերել 7-ամյա աղջնակին: Անհույս մայրը պատրաստվում էր արդեն հրաժեշտ տալ իր փոքրիկին, որին անջատում էին կյանք ապահովող տեխնիկայից: Ինչպիսին էր նրա զարմանքն ու բժիշկների շոկային վիճակը, երբ փոքրիկը ժպտաց' լսելով երգի երաժշտությունը: Այն, որ այդ վիճակում երեխան արձագանքել է երաժշտությանը, հրաշքից բացի այլ բան չես անվանի:

Շարլոտա Նեւը' փոքրիկի մայրը, այժմ պարբերաբար երգում է Ադելի երգն իր աղջկա' Լեյլայի համար: Նա պատմել է, որ աղջիկն արդեն ճանաչում է ծնողներին և որ շուտով կկարողանա քայլել ու խոսել. «Երաժշտությունը նրա կյանքի մի մասն է: Նա շատ է սիրում երգել և պարել»:

amp;feature=colike