Սիրուշոն հանդիպել է երկրպագուներին, երկու օրից էլ մեկնում է հանգստի

Երեկ Սիրուշոյի երկրպագուների համար տոն է եղել: ). նրանք հանդիպել են սիրելի երգչուհուն, շուրջ երեք ժամ զրուցել, պատմել իրենց մասին ու տարբեր պատմություններ լսել նրանից:

Հանդիպման նախաձեռնողները հենց երկրպագուներն են, որոնց մասին երգչուհին “ֆեյսբուքյան” իր էջում գրել է հետեւյալ. “Այսօր իմ երկրպագուներն անմոռանալի օր պարգեւեցին ինձ: Ես հիացած եմ նրանց կազմակերպվածությամբ, խելացիությամբ, նվիրվածությամբ: Ուրախ եմ, որ նրանց մարդկային տեսակն այդքան ազնիվ ու հասուն է… Ես հպարտ եմ ձեզնով…”:

Ինչպես BRAVO.am-ին հայտնել է Սիրուշոյի մենեջեր Արեւիկ Ուդումյանը` երկրպագուները հանդիպմանը ներկայացել են երգչուհու նկարով տորթով, նրա համար նախատեսված հատուկ մրցանակով եւ Սիրուշոյի լավագույն տեսահոլովակների ու երգերի հավաքածուներով, որոնք իրենք են պատրաստել, իսկ երգչուհին նրանց նվիրել է գլխարկներ`պատվիրված  հատուկ այդ հանդիպման համար, եւ իր ձայնասկավառակը

Երգչուհու եւ երկրպագուների հաջորդ հանդիպումը դեռ ծրագրված չէ: Արեւիկ Ուդումյանը նշել է, որ Սիրուշոն երկու օրից կմեկնի հանգստի, ամռան ընթացքում քիչ կլինի Երեւանում, բայց զուգահեռ կշարունակի նաեւ աշխատել:

աղբյուր - bravo.am