Եկեք մի քիչ լիցքաթափվենք...

Այս թարմացնող, սառը ֆրեշներն այնքան լավն են, որ դիմակայել անհնար է: Փորձեք:

1. Մրգային ֆրեշ

Բաղադրությունը' ¼ նեխուրի արմատ, 2 սմ կոճապղպեղի արմատ /իմբիր/, ½ կիտրոն, 1 միջին չափի գազար, 1 միջին չափի ճակնդեղ: Պատրաստման եղանակը. լվանալ, մաքրել և հյութքամիչով անցկացնել բոլոր բաղադրիչները: Հյութը լցնել բաժակների մեջ և ավելացնել սառույց:

2. Ֆրեշ «արևային»

Բաղադրությունը' 1 թուրինջ, 4 միջին չափի գազար, 1 սմ կոճապղպեղի արմատ /իմբիր/: Պատրաստման եղանակը. մաքրել գրեյպֆրուտն ու գազարները: Գազարները նաև կտրատել: Կոճապղպեղը անցկացնել մանր քերիչով: Հյութքամիչով քամել թուրինջի ու գազարների հյութը, ավելացնել քերած կոճապղպեղն ու մատուցել:

3. Դարչնի նեկտար

Բաղադրությունը' 4 բաժակ սպանախ, 1 գլուխ աղցանի տերևներ, 1 վարունգ, 1 ճյուղ նեխուր, 1 խնձոր, 2 սմ կոճապղպեղի արմատ /իմբիր/, ½ թեյի գդալ աղացած դարչին: Պատրաստման եղանակը. ոչ մեծ արագությամբ քամել սպանախի, աղցանի տերևների ու վարունգի հյութը, ապա ավելացնել արագությունն ու հյութ քամել խնձորից, կոճապղպեղից ու նեխուրից: Ավելացնել օշարակը, լցնել բաժակներն ու երեսին դարչին ցանել:

4. Խնձորով ու կիտրոնով ֆրեշ

Բաղադրությունը' 5 խնձոր, 1 կիտրոն, 2 թեյի գդալ աղացած կոճապղպեղ: Պատրաստման եղանակը. առանձին քամել խնձորի ու կիտրոնի հյութը, ապա խառնել իրար և ավելացնել աղացած կոճապղպեղը: Մատուցելուց առաջ ֆրեշի մեջ մի քանի կտոր սառույց գցել:

5. Կանաչ, ամառային ֆրեշ

Բաղադրությունը' 1 գլուխ սպանախ, 2 գազար, 1 կամ ½ խնձոր, 1 ճաշի գդալ կիտրոնահյութ, շաքար ու ջուր' ըստ ճաշակի: Պատրաստման եղանակը. կիտրոնահյութը լցնել սառույցով բաժակների մեջ: Հյութքամիչով անցկացնել սպանախը, խնձորի կեսը և գազարը: Ստացված հյութը նոսրացնել ջրով: Եթե ֆրեշի քաղցրությունը սպասվածից թույլ լինի, ավելացնել նաև խնձորի մյուս կեսը կամ փոխարենը շաքար լցնել: