Copy SMS

Բառեր դարձած հոգու խոսքեր...

Բարև ձեզ..........այսօր ձեզեմ ուզում ներկայացնել  Արմեն Մխեյանի աֆորիզմները դրանք ինձ շատ դուր եկան և հուսովեմ ձեզել դուր կգան:  Եվ հուսովեմ որ պոստս չի փակվի:


Բառեր դարձած հոգու խոսքեր... - հուսովեմ ,ձեզ, դուր, եկավ,


Թեպետ հաճախ մենք մեր մենությունը կիսում ենք շատերի հետ, բայց հոգով միշտ էլ միայնակ ենք` հոգով երբեք զույգ չենք դառնում:


***

Քեզ գնահատող ու սիրող մարդը անպայման կների Քեզ, հակառակ դեպքում սխալդ կդառնա լոկ պատճառ Քեզնից հեռու մնալու, իսկ նման դեպքում սխալ նրա համար կարող է ընկալվել յուրաքանչյուր քո քայլը...

 

***

Ժպիտը չեք կարող խնայել, բայց շռայլել միանշանակ կարող եք...

***

Լավը կամ վատը համեմատական բնորոշիչներ են միայն: Պետք չէ համեմատվել ու չափվել նման չափանիշներով: Պետք է գիտակցել միայն ակնկրնելիությունը: Այն երբեք չի համեմատվում...

 

***

Երջանկության սահմանումը փորձում են գտնել դժբախտ մարդիկ, քանզի իրենք չեն կարողանում սահամանել թե ինչ է երջանկությունը...

 

***

Որքան էլ փորձես թաքցնել գործած սխալներդ, միևնույն է, կա մեկը, որ միշտ քո կողքին է ու գիտի ամենը. թաքցնել կարող ես բոլորից, բայց քո խղճից՝ երբեք...

 

***

Ցինիզմը ցանկացած քաղաքական գործչի բնորոշ հատկանիշը կարող է դառնալ մեկ ակնթարթում...


***


Ցույց մի տվեք ձեր հոգու դատարկությունը: Գուցե այդպես քչերն իմանան, թե որքան աղքատ եք...


***

Ստիպեցիր հավատալ, բայց սին էր սերդ, հորինվածք, ու հիմա իմ սրտում քո պատրանք-սիրուց մի մասնիկ կմնա, քանզի ես քեզ սիրել եմ անկեղծ: 

 

***

Մեկ մեկ այնպես լացել եմ ուզում, բայց արցունքներս խեղդվում են ժպիտով, իսկ սիրտս, ա՜խ, նա լուռ տանում է տառապանքը հոգուս... 

 

***

Ներողություններին՝ միայն ընդունում, խնդրանքներին՝անմիջական կատարում, սպասելիքներին՝ իրականացում, բոլորին ժպիտներ, ուրիշների արցունքներին՝ ամոքում, բայց երբ ես եմ լալիս, ոչ ոք չի իմանում, քանզի արցունքներս սրտից են հոսում: Թվում է՝ սիրտս ոչ ոք տեսնել չի ուզում.. 

 

***

Յուրաքանչյուրս փնտրում ենք այն մարդկանց, ովքեր մեզ կհասկանան, երբ կլռի մեր լեզուն: 

 

***

Ես կարտասվեմ, բայց ոչ ոք չի իմանա, քանզի հոգով եմ լալիս... 

 

***

Մեկ ժպիտից կարող է ծնվել սիրո մի ողջ տիեզերք… 

 

***

Ակնկալել ավելին, գնահատել չափից ավելի, սպասել ու հուսալ անտեղի, ահա տխրության հիմնական պաճառները: Ապրեք առանց սպասման ու չակնկալելով ավելին, հատկեպես նրանց կողմից, ովքեր արժանի չեն սպասման... 

 

***

Կան բառեր, կան երգեր ու մեղեդիներ, որ ակամա արթնացնում են հոգումդ պահված ամենաջերմ հուշերն ու այդժամ հասկանում ես, թե որքան թանկ են քեզ համար հուշերն այդ. 

 

***

Սիրուց ծնված քաոսը հոգու թռիչքն է դեպի անսահմանություն... 

 

***

Աստղեր կան վերևում, Առավոտյան կլինի Արև, իսկ գիշերը՝ Լուսին, իսկ իմ սրտում միայն դու կաս, իմ սրտի կես... 

 

***

Մանկությունը հրաշքների աշխարհն է, որ ունեցել ենք յուրաքանչյուս այս իրական աշխարհում… 

 

***

Կան խոսքեր, կան մեղեդիներ, որ հուշեր են արթնացնում ու այդժամ ուզում ես հուշերդ կիսել երաժշտության հետ... 

 

***

Սիրո թախիծից ծնված տխրությունն ամենամեծ գեղեցկությունն է իր մեջ ամփոփում... 

 

***

Հաճախ ժպտացեք, մարդիկ, քանզի յուրաքանյուրիդ ժպիտն յուրօրինակ է: Ժպտացեք, և պատասխանը չի ուշանա... 

 

***

Երբ թելադրում է սիրտը, ուղեղի հպարտությունը պետք է մի կողմ դնել: Թեպետ հաճախ ուղեղը ճիշտ է լինում, բայց սրտի թրթիռն այնքա՜ն հաճելի է... 

 

***

Տանելու ենք միայն մեր հոգու մեկ մասնիկը ու թողեք բոլոր մեզ սիրող մարդկանց սրտերում մեկ հուշ միայն, լավ կամ վատ, հաճելի կամ տհաճ: Բայց եթե կարող ենք թողնել հաճելին, ինչո՞ւ չսիրել ու մեր սերը չթողնել նրանց… 

 

***

Երբ սիրում ես, ապա նրա բացակայության մեկ վայրկյանն անգամ կարոտի անհուն օվկիանով է լցվում.. 

 

***

Կարծում եմ, եթե սերն առանց ցավի լիներ, չէինք կարող գնահատել սիրո պագևած երջանկությունը... 

 

***

Կարոտից ծնված սիրո բառերն ամենազորեղն են, բայց հաճախ հոգու այդ բառերն խոսքերով արտահայտել չի լինում: Այդ դեպքում լռությունն ավելի խոսուն է...



***

Բազում խոսքերից միայն նա կարող է հայտնել գոհություն, սեր, սփոփանք... Հաճախ կրկնեք այն՝ ՇՆՈՐՀԱԿԱԼ եմ ու շնորհակալ կլինեն նաև Ձեզ...


 


***

Յուրաքանչյուրս ունենք ընտրության հնարավորություն, բայց ամենաբարդը համակերպվելն է նրա հետ, ինչ ընտրել ես...

 

 

***

Հույսն ամենամեծ զենքն է հուսահատությունից պաշտպանվելու համար...

 


***

Սիրո մեղեդին անձայն է, քանզի սիրտը ձայնով չի առաջնորդվում, այլ միայն սիրո թրթիռով:

 

***

Ապուշին թույլ տալ իրեն հաղթանակած զգալ, խելոքի հաղթանակն է, ոչ թե ապուշի...



***

Խելացիությունը ամենամեծ զարդն է քո գեղեցկության: Եղիր խելացի և կլինես գեղեցիկ, իսկ հակառակ դեպքում, եթե անգամ արտաքին գեղեցկությունդ լինի անթերի, միևնույն է հիմարությունդ կխավարի գեղեցկությունադ...

 

***

Այն ամենը ինչ մեզ շրջապատում է, մեր ենթագիտակցականի արտացոլանքն է, իսկ գիտակցականը միայն այդ արտացոլանքը տեսնողը...

 


***

Արևը Հայրն է՝ կենարար լուսատուն: Բայց Մայրն առավել է ամենից, քանզի ամեն օր Արևն իր մոր գիրկն է գնում...

 

***


Ես պնդում եմ, որ բոլոր մարդիկ իմաստուն չեն, բայց համաձայն եմ՝ այդ մարդկանց շարքերում կան հանճարներ:

 

***

Թե հավատաս, ողջ Տիեզերքն անգամ կարող ես բռիդ մեջ հավաքել: Չէ՞ որ Տիեզերքի մեկ մասնիկն արդեն իսկ քո ձեռքում է, դու էլ՝ նրանը...

 

***

Ասում են՝ եղել է մի ժամանակ, երբ ժամանակը չեն հաշվել, բայց այդ ժամանակ տիեզերքն անգամ արարված չի եղել...

 

***

Ասում են սիրտը մեկ բռունցքի չափ է, բայց այն սիրո մի ողջ տիեզերք է իր մեջ ամփոփում...



***


Սերն առանց կրքի այնումենայնիվ վեհ է, բայց կիրքն առանց սիրո՝ անասնական բնազդ միայն…

 

***

Հավերժության մեջ կյանքը մեկ ակնթարթ է միայն, վայելիր այն, այդ մեկ ակնթարթը հավերժության... 

 

***

Սեր, երեք տառ, բայց չքավորին հոգով հարստացնող, անշուքը շքեղ, ռամիկին արքա, իսկ կայսրերին ստրուկ դարձնող…


***

Սերը չի կարող միակողմանի լինել, այլապես այն կսպառվի ու կչքանա: Սերը պահելու համար պետք է դու ևս սեր փոխանցես: Այլ կերպ ասած սիրել կարողանաս, որպեսզի գտնես ու այնուհետ գնահատես այն...

 

***
Счастье не за горами, а за спиной... Просто повернись.


***

Երբ երջանկությունը կախված է միայն նյութականից, այն արդեն վաղուց երջանկություն չէ, այլ միայն ֆիզիկական բավարարվածության ձգտելու բուռն ցանկություն: Երջանկությունը հոգու բավարարվածությունն է, իսկ հոգին նյութականով բավարարել  չես կարող...


 

***

Անկախ նրանից որ շուրջդ խավար է, անկախ ամենից, որ քեզ չեն հասկանում, ատում են ու հեռու վանում... Չէ՞ որ Արևը այնուամենայնիվ Քեզ ժպտում է: Գոնե նրան ժպտա ի պատասխան…

 

***

Հաճախ այն ինչ տեսնում ենք, չենք կարող բացատրել, առավել ևս երբ բոլորն այն չեն տեսնում...

 

***

Մեր իրական աշխարհն այնքան նեղ է, որ հնարավոր չէ տեղավորել երևակայությունն այնտեղ: Արդյունքում մեր երևակայության օդային դղյակները կառուցում ենք անիրական աշխարհում, իսկ ուրիշներն այդ դղյակները տեսնել ի զորու չեն միայն այն պատճառով, որ չեն հավատում դրանց գոյությանը:

 

***

Ես վանդակ եմ քեզ համար, կամ էլ շղթա` նուրբ ձեռքերիդ կապված: Ներիր, բայց բանալին հիմա քո ձեռքերում է, իսկ ազատությունը մի քայլից... Բայց հիշիր մի բան, երբ ազատ ես, ոչ մեկ քեզ պետք չէ, ու ոչ մեկին նաև դու...

 

***

Պետք է ապրել այնպես, որ հաջորդ վայրկյանին չզղջաս արածիդ համար: Հենց դա է ապրելու «արվեստը»...

 

***

Թե ստրուկ լինես, թե արքա, ձգտիր կատարելությանը, քանզի միայն կատարելության մեջ է ամփոփված ճշմարտությունը, որը ձգտում են բացահայտել բոլորը:

Բառեր դարձած հոգու խոսքեր... - հուսովեմ ,ձեզ, դուր, եկավ,