Copy SMS

Սեռականա հարաբերությունները հղիության ընթացքում 18+

Սեռականա հարաբերությունները հղիության ընթացքում 18+  - սեքս, հղիություն, գիտելիքներ



Նախորոք ասեմ պոստը 18+ ա,, եթե չեք ուզում մի նայեքքք, մի կարդացեքքք հետոո ուրիշ բաներ չասեեքքք իսկ հիմա սկսեեմմմ Սեռականա հարաբերությունները հղիության ընթացքում 18+  - սեքս, հղիություն, գիտելիքներ




Հղիության ընթացքում սեռական կյանքն օգնում է ամուսիններին պահպանել փոխադարձ սերն ու ֆիզիկական կապը: Հղիության ընթացքում կինը կարող է անգամ զգալի սեռական հակում ունենալ, հատկապես հղիության երկրորդ եռամսյակում, երբ սկսում է սեռական հորմոնների գերարտադրություն: Հենց այդ հորմոններն են, որոնք կնոջ աչքերին, մազերին և մաշկին հաղորդում են  հատուկ փայլ, մեծացնում կանացի բնազդը:

Այդ շրջանում փոքր կոնքի օրգանների արյան շրջանառությունը մեծանում է, ինչի հետևանքով սեռական հակումն ավելի է ընդգծվում: Կա կարծիք, որ արու զավակի սպասող կանայք վերապրում են սեռական բուռն ցանկություններ:

Որոշ տղամարդիկ խուսափում են  սեռական հարաբերություններից, երբ կինը հղի է`վախենալով վնասել երեխային: Սակայն հարկ է նշել, որ սեռական ակտիվությունը հղիության չի սահմանափակվում, բացառությամբ այն դեպքերի, երբ պետք է սահմանափակվի ոչ միայն սեռական, այլև ֆիզիկական ակտիվությունը:



Հղիության ժամանակ խորհուրդ չի տրվում սեռական հարաբերությամբ զբաղվել, երբ առկա է.



  • հղիության ընդհատման ակտիվ վտանգ

  • հեշտոցից արյունահոսություն

  • վաղաժամ ծննդաբերության վտանգ

  • պտղաջրի հոսք

  • ընկերքի ցածր կամ ոչ ճիշտ դասավորություն

  • բազմապտուղ հղիություն

  • զուգընկերներից մեկի մոտ սեռավարակ:

Իսկ եթե հղիությունն ընթանում է առանց որևէ խոչընդոտի, ապա պետք է մոռանալ պտղին վնասելու մտահոգությունից: Ձեր փոքրիկը հուսալիորեն պաշտպանված է մոր արգանդի վզիկում գտնվող լորձային խցանով, պտղապարկով և պտղաջրերով: Ավելին, սեռական  հարաբերությունները դրականորեն են ազդում  կոնքի հատակի մկանների վրա` դրանք դարձնելով ավելի ուժեղ և ձիգ, ինչը ծննդաբերության ժամանակ ունի որոշիչ նշանակություն:

Այդուհանդերձ, հղիության ընթացքում սեռական հարաբերությունները պետք է ընթանան որոշակի դիրքային սահմանափակումներով:

Առավել հարմար է կողքի դիրքը: Հղիության միջին ժամկետներում բավականին բարենպաստ է այն դիրքը, երբ կինը նստած է զուգընկերոջ ծնկներին` մեջքով դեպի նա: Որոշ դիրքեր, երբ կինը գտնվում է վերևում, հարմար են նաև հղիության վերջին ամիսներին: Շատերին դուր է գալիս նաև չորեքթաթ դիրքը:

Իսկ ծննդաբերությունից անմիջապես առաջ խորհուրդ է տրվում զբաղվել սեքսով: Սպերմատոզոիդները պարունակում են այն հորմոնը, որը ներարկում են երկունքը խթանելու համար:

Հղիության ընթացքում կնոջ սեռական կյանքը որոշակի փոփոխությունների է ենթարկվում. կնոջ օրգանիզմում տեղի ունեցող ֆիզիոլոգիական երևույթներն որոշակիորեն ազդում են կնոջ սեքսուալ կյանքի վրա:

Եթե հղիության առաջին վեց ամիսների ընթացքում օրգազմն ուղեկցվում է հեշտոցի մկանների կծկմամբ, ապա վերջին եռամսյակում հեշտոցի մկանների կծկումը հաճախ չի զգացվում այս օրգանի արմատական փոփոխությունների  պատճառով: Սակայն արգանդի կծկումները տեղի են ունենում հղիության ողջ ընթացքում, ընդ որում, վերջին եռամսյակում դրանք կարող են լինել ավելի հաճախակի և ուժեղ:

Հղի կնոջ արգանդը օրգազմի փուլում կարող է շատ կծկվել, այսքինքն սեռական ակտից հետո կծկումը կարող է սովորականից ավելի երկար

տևել` մինչև կես ժամ:

Օրգազմի փուլը փոխարինվում է ռեֆրակտենության փուլով, երբ ոչինչ չի կարող բերել գրգռման: Կնոջ զգայարանները սեռական ակտի ժամանակ առավելագույնս սրված են:

Հղիության ողջ ընթացքում  սեռական օրգանների նյարդային համակարգը առավելագույնս գրգռված վիճակում է, այսինքն անգամ փոքր ֆիզիկական ազդեցությունը արգանդին, փորի կամ մեջքի շրջանում,  կարող է բերել արգանդի  կծկումների:

Սեռական համակարգից բացի, փոփոխություններ են տեղի ունենում նաև այլ օրգաններում: Օրինակ, սրտի զարկերն արագանում են րոպեում 70-80-ից մինչև 110-120 զարկ: Շնչառությունը ևս  արագանում է` րոպեում 16-18-ից  մինչև 40 ներշնչում:

Սեռական ակտի ժամանակ աճում է նաև մկանների տոնուսը` հատկապես վերջույթների: Որոշ դեպքերում  սա կարող է դառնալ սպազմերի և տևական ցնցումների պատճառ:

Այս ամենը հարց է առաջացնում` արդյոք կարելի է հղիության ընթացքում սեռական կյանքով ապրել. չէ որ արգանդի  գրգռվածությունը և կծկումները կարող են հղիության ընդհատման սպառնակիք դառնալ, իսկ սրտխփոցների արագացումը կարող է բերել զարկերակային ճնշման բարձրացման:  Իրականում, սակայն, սեքսը հղիության ընթացքում թույլատրելի է, եթե կա երկկողմանի ցանկություն, հղիությունն էլ նորմալ է ընթանում:

Ընդհակառակը, ցանկության առկայության դեպքում սեռական հարաբերություններից հրաժարվելը կարող է վտանգել պտղին: Սեքսուալ լարվածությունը, որ առաջանում է երկարատև ժուժկալության արդյունքում,  կնոջ օրգանիզմում առաջացնում է պրոստոգլանդիններ: Վերջինս հատուկ կենսաբանական նյութ է, որը բարձրացնում է արգանդի տոնուսը, այն կիրառվում է ժամանակակից բժշկությունում ծննդաբերության խթանման և աբորտի համար:

Այնպես որ ժուժկալությունն էլ օգտակար չէ ոչ մայրիկի, ոչ էլ  ապագա երեխայի համար:

Այսինքն, սեռական կյանքը թույլատրելի է, եթե կինը նման ցանկություն ունի: Եթե ոչ, ապա սեռական կյանքը պետք է սահմանափակվի անգամ հղիության նորմալ ընթացքի  դեպքում:

Սեռական ցանկությունը կարող է նվազել կամ աճել` կախված հորմոնների տատանումներից:

7

58

8301