Որոշ երկրներում կաշառք է տրվել Ադրբեջանի մասնակցի օգտին քվեարկելու համար (VIDEO)

 Այն, որ «Եվրատեսիլ - 2013» -ի հաղթողը գնված է, համոզված էին ոմն ռուսախոս տղամարդիկ, որոնք Լիտվայում գնում էին ` քվերակության համար անհրաժեշտ ձայները: Ամեն ինչ սկսվել էր նրանից, որ Լիտվայի մայրաքաղաք Վիլնյուսում շաբաթ առավոտյան մի քանի ուսանողների մոտեցել էին ռուսախոս տղամարդիկ և առաջարկել գործարքի մեջ մտնել նրանց հետ` քվեարկության ժամանակ ապահովելով Եվրատեսիլի մասնակիցներից մեկին պահանջվող ձայների քանակը:   Ընդ որում, տղամարդիկ տրամադրել էին ուսանողներին լիցքավորված սիմ քարտերով ` յուրաքանչյուրին 5-ական հեռախոս և 20-ական եվրո: Ուսանողներն այս մասին հայտնել էին Լիտվայի 15min.lt լրատվականին և հավելել, որ նման` 10 հոգուց բաղկացած խմբերը բազմաթիվ են : Լրագրողները, լսելով այս ամենը, միացել էին ուսանողներին, նեկայանալով ռուսախոս տղամարդկանց որպես աջակիցներ` նախապես զինվելով թաքնված տեսախցիկներով և դիկտաֆոններով:   Տղամարդիկ, առանց կասկածելու, որ նրանց հետ զրուցում են լրագրողները, պատմել էին, որ նման կաշառք, որը ընդհանուր առմամբ միլիոններ է կազմում, առաջարկվում է գրեթե բոլոր երկրներում և Եվրատեսիլի մասնակիցները միայն նման ձևով են հաղթում:   Արդեն հանդիպման ժամանակ պարզվել էր, որ կաշառքը տրվում է Ադրբեջանի մասնակցի օգտին քվեարկելու համար:   Նշենք, որ Լիտվան Ադրբեջանին 12 բալ էր տվել: