Ժպտերես մարդիկ համակրանք և վստահություն են ներշնչում, բացի այդ ժպիտը համարվում է նաև առողջության և ինքնավստահության գրավականը: Բայց հաճախ մարդիկ չեն ժպտում՝ ատամների դեղին բծերն ու արյունահոսող լնդերը թաքցնելու համար: Սեփական ժպիտից չամաչելու համար՝ պետք է իմանալ ատամների ճիշտ խնամքի կանոնները:

Որպեսզի ատամներն ավելի սպիտակ լինեն և առողջ տեսք ունենան ....

Թվում է' ամեն ինչ հեշտ է, ատամ լվանալու մեջ ոչ մի բարդ բան չկա, բայց մասնագետները վստահեցնում են' ատամների լվանալու մեխանիզմը շատ կարևոր է: Պետք է ուշադիր լինել նաև ատամնախոզանակի ընտրության հարցում: Այն պետք է լինի միջին փափկության:

Ատամները լվանալիս պետք է այն պահել 45 աստիճան անկյան տակ, որպեսզի այն ընդգրկի և' լնդեզրը, և ատամները: Պետք է կատարել 5-6 շարժում' վերև և ներքև: Եվ այս ամենն ամեն օր' առավոտյան և երեկոյան՝ երեք րոպեից ոչ քիչ:

Անհրաժեշտ է չմոռանալ և մաքրել նաև լեզուն:

Առողջ և սպիտակ ատամներ ունենալու համար հաճախակի խմեք կաթ:

Մեր ատամների թշնամին է`

Ծխախոտը, նրա հետևանքով մեր ատամները շուտ դեղնում են:

Սուրճը, այն քայքայում է ատամների էմալը:

Կոնֆետները և քաղցրավենիքները մանրեների համար բարենպաստ պայմաններ են ստեղծում և այն սկսում է նեխել:

Կիտրոնը և գազավորված ըմպելիքները նույնպես վնասակար են էմալի համար:

Ծամոնը վնասակար է ստամոքսին, երբ սոված վիճակում ես ծամում, բայց ուտելուց հետո առանց շաքարի անանուխի ծամոնը 5 րոպե ծամելը օգտակար է ատամների համար: