Copy SMS

Հուշեր Թումանյանի մասին...

   Հուշեր Թումանյանի մասին... -     Թոթովենց, Թումանյան, հուշեր


Բարև ձեզ, հուսով եմ, որ գոնե մի քանիսը ինձ կհիշեն, մի քանիսը, քանի որ պարզ է, քոփին առաջվանը չէ, հին անդամներից քչերն են մնացել: Նաև հուսով եմ, որ ինձ հիշելով, կհիշեք նաև այն անցած-գնացած լավ օրերը, այն օրերը երբ քոփիի անդամներով, կարելի է ասել զվարճանում էինք, իհարկե դրանք շատ հաճելի պահեր էին:Դե լավ, էլ երկար-բարակ չխոսեմ ու ներկայացնեմ նյութս:Բայց ամեն դեպքում ավելորդ չի լինի ասել... Մաշ, Էլիզ, Կարո... ձեզ հետ հաճելի էր...

Հ.Գ կներեք, որ մյուսներին չեմ հիշում:

Թոթովենցը Թումանյանին առաջին անգամ տեսել է Էջմիածնի վանքի բակում, որտեղ հավաքվել էին մեծ թվով գաղթականներ:Ամեն կետում մարդ էր մեռնում, շատերը սովից կամ հիվանդություններից...    

     Հանկարծ սկսում է անձրև, որը քիչ ժամանակ անց վերածվում է տեղատարափ անձրևի և հեղհեղում է գետինը:Ամեն տեղ լցվեց գաղթականներով, բայց դեռ հազարավոր գաղթականներ դրսում էին և Թումանյանը ստիպված գաղթականների առաջ բացում է նոր կառուցվող վեհարանը, որ մինչև այդ անձեռնմխելի էր:      Դա զայրացնում է Կաթողիկոսին (Գևորգ Ե):    Ասում էին, որ երեկոյան Վեհափառը կանչել է Թումանյանին և հանդիմանել նրան այդ «բռնի» գործողությունների համար:    Վեհափառը պատվիրել է, որ Թումանյանը այլևս այդպիսի բան չանի, սակայն Թումանյանը պատասխանել է, որ պիտի անի, եթե անհրաժեշտություն լինի:Հայոց հայրապետը կանգնել է ոտքի և հայտարարել.    

-Դուք խոսում եք Ամենայն Հայոց Հայրապետի հետ:

 Գրողը նրան պատասխանել է.

 -Իսկ դուք խոսում եք ամենայն հայոց բանաստեղծի հետ:                                                                                                                                  ***    

Մի օր, սեղանի շուրջը Թումանյանը առաջարկում է խմել Անդրանիկի կենացը և ասում.    

    -Սրանից 20 տարի առաջ կար երկու նշանավոր բան՝ Խրիմյան Հայրիկը և իմ «Շունն ու կատուն», 20 տարի է անցել, բայց էլի երկու նշանավոր բան կա՜ իմ «Շունն ու կատուն» և Անդրանիկը, խմում եմ երկու նշանավորներից մեկի՜ Անդրանիկի կենացը: Հովհ.Թումանյանի հումորով արված այդ գեղեցիկ և իմաստալից համեմատությունը շատ աշխույժ ծիծաղ է առաջացնում: Անդրանիկը դրան պատասխանում է.

     -Կանցնեն տարիներ, ոչ ես կլինեմ, ոչ էլ Թումանյանը, բայց կլինի մի նշանավոր բան՝ «Շունն ու կատուն», խմենք նրա կենացը:                                                                              

                                                               ***    

   Թումանյանի տիկինը, տասը երեխաների մայրը, բարեմտորեն գանգատվելիս է եղել, որ Հովհաննեսն իսկի տուն չի գալիս:    

Թումանյանը նրան պատասխանել է.  

 -Ո՞նց թե տուն չեմ գալիս, ա՛յ կնիկ, եթե իսկի տուն չեմ եկել, մի տա՞սն անգամ էլ չեմ եկել:                                                                            

                                                                 ***

 Խնկո-Ապերը ինչ-որ մի խոսք նետեց Թումանյանին...

  Թումանյանը վեր կացավ:

   -Երբ մեկը հրացանը քաշում է և ուզում է մի ուրիշին խփել, եթե հրացանը լիքն է, խփվողն է վախենում, իսկ եթե հրացանը դատարկ է, խփողն է վախենում:Խնկո-Ապերը հրացանն ինձ ուղղեց ու...վախեցավ...

   Բոլորն սկսեցին ծիծաղել:Խնկո-ապերն այնքան քաշվեց աթոռի մեջ, որ էլ չէր երևում:  

                                                            ***  

   Թումանյանը և Ահարոնյանը իրար չէին սիրում:Մի օր թումայանը ինձ(Վ.Թոթովենց) ցույց տվեց մի այցետոմս:Ահարոնյանը գրում էր.«Հովհաննես, եկա տունդ, տանը չէիր, անհունապես տխրեցի»:            Թումանյանը ծիծաղեց և ասաց.    

   -Շատ լավ, եթե իմ՝ տանը չլինելը քեզ անհունապես տխրեցնում է, ապա եթե մեռնեմ, ո՞նց ես տխրելու, ա՛յ մարդ, մի ֆրազին մտիկ. չէ՞ որ «անհունապեսից» դենն էլ բան չկա, անհունապե՛ս...ֆլա՛ն-ֆստա՛ն...                                                                        

            

                                                            ***

Թումանյանը հաճախ էր ասում.

   -գրել եմ միայն էն ժամանակ, երբ հիվանդ եմ եղել, և բժիշկներն արգելել են որևէ մեկի այցելությունը:    Մի օր ասաց.

   -Էս «Հազարան բլբուլն» էլ վզիս է չոքել, մի երկար չեմ հիվանդանում, որ մի բան դուրս գա:                                                                          

                                                                ***

   Թումանյանի տանը Անդրանիկը իր կռիվներից ինչ-որ բան էր պատմում և Թումանյանը կլանված լսում էր.    -Թուրս քաշեցի...,- ասաց Անդրանիկը և կանգ առավ:

   Նա ուներ այդպիսի սովորություն, այդ կանգ առնելը ժամանակ էր տալիս որպեսզի լսողը ընդգրկի պահը:    Բայց Թումանյանը չհամբերեց և սկսեց գոռալ.

   -Խփի՛ր, Խփի՛ր...

                                                              ***

 Ամերիկացիներից մեկը, չգիտեմ թե ինչու, հարց տվեց թումանյանին.

   -Ի՞նչ տարբերություն եք գտնում հայերի և ամերիկացնիների մեջ:

   -Ամերիկացիները ծնվում են, ապրում են և մեռնում,

 իսկ հայերը ծնվում են, ապրում և սպանվում,- պատասխանում է գրողը:                                                    






16

18

2633

  • Ռիմա
    2013-08-19 21:57:14
    Վաայ ես չեմ հավատում ,,վերջապես Թումանյան, ոնց եմ սիրում Թումանյանին ,,,,մերսի շաատ (ուռա)
    • էրիկ Իսրաելյան 
      2013-08-19 21:57:51
      (ծաղիկ) խնդրեմ
      • Ռիմա
        2013-08-19 22:07:13
        -Իսկ դուք խոսում եք ամենայն հայոց բանաստեղծի հետ: ...... մի բան հարցնեմ ,,որտեղից եք վերցրել պատմությունները՞....
      • էրիկ Իսրաելյան 
        2013-08-20 01:00:07
        պատմությունները մեծ մասամբ Թոթովենցի հուշերն են, վերցված են Թոթովենցի երկերի, եթե ճիշտ եմ հիշում առաջին հատորից
      • Ռիմա
        2013-08-20 10:17:37
        լաավ, մերսի շաաատ,,, (պաղպաղակ)
  • Normal is boring
    2013-08-19 22:01:00
    Թումանյանն էն անձնավորությունն ա,ում մասին կարդալիս երբեք չեմ հոգնի...լավ պոստ էր :)
  • 2013-08-19 22:04:19
    Ախ Էր, ափսոս խոսքերը քիչ են, որ նկարագրենք, կամ հետ բերենք առաջվանը.... Սրանել ենք հարմարվում.... Թումանյանն էլ, Անդրանիկն էլ սրամիտներ են եղել.. չնայած իրանց հումորը նմանա գերմանականին, բայց վեհ մարդիկ են, հարգում ու սիրում ենք իրանց..... վերջին խոսքը ճշմարիտ էր ՝ իսկ հայերը ծնվում են, ապրում և սպանվում... թող ոչ մի հայ չսպանվի՝ ԱՊՐԵՆՔ ԱՄԵՐԻԿԱՑՈՒ ՆՄԱՆ :)
    • էրիկ Իսրաելյան 
      2013-08-20 01:01:03
      ինչ հետ բերել ինչ բան, իսկականից որ դժվար էլ էն ժամանակվա նման լինի
  • Անյուտա(Veteran)
    2013-08-19 22:32:07
    իսկապես Թումանյանն ուրիշ էրրրրր (լավ) (լավ) (լավ) (լավ) (լավ) (լավ)
  • ՎԱՐԴ-հո դեմ չեք?
    2013-08-20 09:50:28
    բա ասում էիր էլ քոփի չեմ վերադառնալու՞ :)
  • ❣Maria H❣
    2013-08-20 10:08:15
    (լավ) (բռավո) (բռավո) (բռավո) (բռավո) (բռավո) ես թումանյանին շատ եմ սիրում
  • Սառա, ձեր մոծյոկ:D
    2013-08-20 10:38:47
    (լավ) (լավ)
  • Anush
    2013-08-20 10:46:55
    (լավ) (լավ) (լավ) (լավ) (լավ) (լավ)
  • Machok
    2013-08-20 13:11:00
    հետաքրքիր պատմություններ էին, մի քանիսը կարդացել էի ապրես (բռավո) (բռավո) (բռավո) (բռավո) (բռավո) (բռավո) (լավ) (լավ) (լավ) (լավ) (լավ) (լավ) (լավ)