ԵՂԻՑԻ ԼՈՒՅՍ...

Անորոշության ցավով ես հիվանդ,

Անորոշության ոխերի՜մ ցավով,

Որ մահդ է տենչում:

Բայց մահ էլ չունես.

Կարգին մեռնելու համար էլ

Պիտի մարդ բախտ ունենա:

Եվ  այսօր  պիտի ձեզ հավատացնեմ,

Ձե՛զ  հավատացնեմ-ի՛նձ  վհատեցնեմ,

ՈՒ  հենց վաղվանից,

Բանտարկյալները գազանանոցի

Առա՛նց խտրության ու տարբերության,

Բոլո՜րը  պիտի ստանան շքանշաններ

Եվ...ինչի՞ համար.

ԼՈԿ ՀԱՄԲԵՐՈՒԹՅԱ՜Ն...

Եվ  ով ինձ հարցնի.<<Ի՞նչ  արժի>>,   ես ինձ

Լուռ կասեմ.<<Ասա՛>>:

<<Դատա՜րկ բան,-կասեմ,-

Ընդամե՜նն արժի մի ...ԱՆՑԱԾ ՄԻ ԿՅԱ՜ՆՔ>>:

ՈՒ... հասկանում եմ, որ  ես չե՜մ կարող

(Եվ այս աշխարհում ո՛չ ոք չի կարող)

Լոկ մի՛ բան սարքել՝

Ա՛յն  միայն,

Ինչին  ՃՇՄԱՐՏՈՒԹՅՈՒՆ   են կոչել  աշխարհում:

Եվ ճի՞շտ ենք անում,

Երբ մեզ վարժում ենք չմտածելուն,

Ի՜նչ է թե հանկարծ... ՍԽԱԼ ՉԳՈՐԾԵՆՔ:

Դու մի՛ հարցրու, իսկ ես ասեմ

Քո ուզածից շա՜տ   ավելին:

Սերը  չունի  շարունակություն,

Այլ  միայն սկի՜զբ,

Որ չի՛ կրկնվում

Ինչպես...  ծննդյան  եզակի օրը:

Ինչի՞ց,  տե՜ր  Աստված, ինչի՞ց է, ինչու՞

Որ ամենից շու՛տ և ամեմից շա՛տ

Իրեն՝ մարդու մեջ հենց ՄԱՐԴՆ Է ԿՈՐՉՈՒՄ:

Չգիտեմ՝ ի՞նչ պիտի փոխվեր,

Սակայն ես նու՛յնը մնացի.

Ես նորից իմ տեղը  դարձա՝

Որքան էլ հեռու  գնացի...

Բարև ձեզ, այսօր ձեզ ներկայացրեցի Սևակի <<Եղիցի լույս>> ժողովածուի  մեջ եղած  բանաստեղծություններից  դուրս  բերված  տողեր, հույս ունեմ  դուր  եկավ:

ԱՅՍ ԺԱՄԻՆ ԱՅՍՔԱՆԸ... ՇՆՈՐՀԱԿԱԼՈՒԹՅՈՒՆ ՈՒՇԱԴՐՈՒԹՅԱՆ ՀԱՄԱՐ