Տրամաբանություն և գիտելիք (մաս 2)

Իմ նախորդ պոստի նմանությամբ կազմում եմ նոր պոստ, որտեղ կընդգրկեմ հետաքրքիր հարցեր ու տրամաբանական խնդիրներ, իսկ մինչ այդ մի քանի խոսք մարդկանց, ովքեր մաշում են ժամեր, ամիսներ  ու տարիներ` այդպես էլ չհասկանալով, որ յուրաքանչյուր ժամանակահատված կարևոր է ոչ թե նրանով, թե քանի ժամ կամ օր է ընդգրկում իր մեջ, այլ նրանով, թե ինչ գործ ես արել այդ ընթացքում:

Ձգտել հասնել աստվածային էությանը` կատարելությանը. ահա սա է կյանքի նպատակը: Կատարյալ լինել հնարավոր չէ, բայց ձգտել կատարելության անշուշտ հնարավոր է: Մարզել միտքը, ուղեղը` մարդկային ամենակատարյալ ստեղծագործությունը. սա է կատարելության ձգտելու գլխավոր նախադրյալը: Մարզելով միտքը` մենք մարզում ենք նաև հոգին: Ինչպես ասում է Սոկրատեսը` չար գործը անգիտության արդյունք է, այսինքն եթե մարդը իմանա, որ իր կատարածը չարիք է, չի կատարի:

Ես 16 տարեկան եմ, ու հավաացեք, իմ ապրած 16 տարիների ընթացքում կյանքիս յուրաքանչյուր վայրկյանը լցված է ինչ-որ գործով: Կոչ եմ անում նաև ձեզ երբեք պարապ չմնալ: Յուրաքանչյուր մարդկային տառապանք, և ինչու չէ նաև հոգեկան հիվանդություն պարապության հետևանք է: Մտածեք միայն նպատակների ու գործերի մասին, ԹՈՒՅԼ ՄԻ ՏՎԵՔ ՁԵՐ ՄՏՔԻՆ ԿԵՆՏՐՈՆԱՆԱԼ ՁԵՐ ԱՆՁԻ ՎՐԱ, այլ աշխատեք ցրել միտքը ինչ-որ բարի, օգտակար կամ հաճելի գործով ու գաղափարներով:

Դե, վերջ ենք տալիս փիլիսոփայությանը և անցնում զվարճալի, հետաքրքիր ու տրամաբանական գլուխկոտրուկներին:

Let's Go!!

1. Ճաշարան են մտնում երեք այցելու, պատվիրում են ուտելիք և վճարում գումարը, որը կազմում է 30 ռուբլի, այսինքն` ամեն մեկից 10 ռուբլի: Մատուցողը գումարը հանձնում է մենեջերին, իսկ նա հետ է վերադարձնում 5 ռուբլի` պատճառաբանելով, որ շատ է վերցրել: Մատուցողը ` չիմանալով, թե ինչպես բաժանի 5 ռուբլին 3 այցելուների միջև, 2 ռուբլին գրպանն է դնում, իսկ մնացած 3 ռուբլին հանձնում այցելուների, այսինքն` յուրաքանչյուրին 1 ռուբլի: Այսպիսով, փաստորեն յուրաքանչյուր այցելու վճարում է 9 ռուբլի, երեքն իրար հետ` 3*9, այսինքն 27 ռուբլի, 2 ռուբլին մատուցողի գրպանում է, 27+2, դառնում է 29 ռուբլի,,,, իսկ ո՞ւր կորավ այն 1 ռուբլին:

..........................................

2. Պապիկի ծնկներին նստել էին իր թոռնիկները.

-Ինչ նման են իրար, երևի երկվորյակներ են,- հարցրեց ծանոթներից մեկը:

-Իրար եղբայր են, ծնվել են միևնույն տարին, ամսին ու ամսաթվին, ունեն նույն ծնողները, բայց երկվորյակներ չեն:

Ո՞րն է գաղտնիքը:

........................................

3. Կաղնին ունի 18 ճյուղ, ամեն ճյուղ ունի 20 փոքր ճյուղ, ամեն փոքր ճյուղի վրա ավելի փոքր 15 ճյուղ, յուրաքանչյուր ավելի փոքր ճյուղի վրա 5 խնձոր:

Քանի՞ խնձոր կա ծառին:

.......................................

4. -Հարյուր բադեր, բարև ձեզ:

-Մենք հարյուր չենք, կներես:

-Իսկ ինչքան ե՞ք...

-Ինչքան ենք..

Ինչքան որ ենք, եթե մեզ

Մի այդքան էլ գումարես,

Ստացած նոր գումարի

Ուղիղ կեսն էլ դեռ արի,

Դու էլ հետը Չալփետուր,

Նոր կլինենք

Մենք հարյուր:

Դե, ուրեմն, համեցիր,

Մի քիչ ինքդ մտածիր,

Եվ կիմանաս այնժամ մենք

Մեր քանակով ինչքան ենք:

.........................................

5. Ծառի ճյուղերից կախված էին հասած ու կարմիր խնձորներ: Փոքրիկ Գրիգորը ցանկանում էր բարձրանալ ծառը ու պոկել մի քանիսը, բայց վախենում էր պահակից, ով շատ մռայլ մարդ էր, ու ցանկացած հարցի պատասխանում էր ՈՉ:

Գրիքորը դիմեց խորամանկության. նա մի հարց տվեց և ստանալով պահակի ՈՉ պատասխանը, արագ բարձրացավ ծառը:

Ի՞նչ եք կարծում, ի՞նչ հարց տվեց նա:

.........................................

6. Մեզանից ոչ շատ հեռու նստած էին Մարտիրոսը, Կիրակոսը և Պետրոսը: Ինձ ասացին,որ դրանք գյուղի երաժիշներն են: Դե, պարզ է, մեկը զուռնաչին, է, մեկը դամքաշը, մեկն էլ` դհոլչին: Նրանք բաժանում էին հարսանիքից վաստակած գումարը: Սկզբում վիճեցին Մարտիրոսն ու զուռնաչին, մի քիչ հետո իրար բրա գոռացին դամքաշն ու Կիրակոսը: Իրար նկատմամբ համեմատաբար խաղաղ էին տրամադրված Կիրակոսն ու զուռնաչին:

Կարո՞ղ ես ասել զուռնաչու, դամքաշի ու դհոլչու անունները:

.....................................................

7. Նրա մայրը անգրագետ կին էր, բայց նա մեծ սեր ուներ գրի ու գրականության նկատմամբ: Մի անգամ, Թումայնանի Գիքորը պատմվածքի բարձրաձայն ընթերցանության ժամանակ զայրացած մայրը իր զայրույթը թափելով որդու վրա նրան ասում է.

-Էդքան որ կարդում ես, գոնե էն Գիքորը գրողի նման մարդ դարձի, էլի...

Ո՞ւմ մասին է խոսքը:

...................................................

8. Ի՞նչ հանգամանք է միավորում Էլվիս Փրեսլիին, Մերլին Մոնրոյին, Մայքլ Ջեքսոնին, Ուիթնի Հյուսթոնին և շատ այլ համաշխարհային աստղերի:

...................................................

9. Չնայած հռոմեացի զորավարի հորդորներին` նրանք անցան հպարտ ու արժանապատիվ: Ժամանակակից հույն պատմիչն ասում է. նրանք ցույց տվեցին իրենց հոգու արիությունը:  Այդ արքային ու նրա ընտանիքին Կլեոպատրան գլխատել տվեց: Ո՞ր արքայի մասին է խոսքը:

....................................................

10. Այդ իրը քաղաքավարի ու սովորական է համարվում աշխարհի շատ երկրնոերում, բայց երբ այդ իրը հայտնվում է չինացու ձեռքում, նա ոչ միայն չի կարողանում հասկանալ դրա իմաստը, այլև դրանից տուժում են նրա աչքերը: Ի՞նչ իրի մասին է խոսքը:   (made by հայ-Q)

...............................................

11. Մարկ Տվենը մի առավոտ նամակ ստացավ, որտեղ գրված էր միայն մի բառ. ''խոզ'': Հաջորդ օրը Տվենը իր լրագրում գրեց.'' Զարմանալի է, ես միշտ նամակ եմ ստանում առանց ստորագրության, բայց երեկ...'',- շարունակեք մեծն գրողի խոսքը:

...........................................

12. Ո՞վ է խոսքերի հեղինակը. '' Ով հայ ժողովուրդ, քո փրկությունը քո հավաքական ուժի մեջ է'':

  ......................^_____^.......................

դե, հուսով եմ, դուր եկավ, սպասում եմ պատասխանների...