Տրամաբանություն և գիտելիք (մաս 4)

Հարգելի քոփիփեսթցիներ ջան, ձեր ուշադրությանն եմ ներկայացնում ավանդական պոստի 4-րդ հրատարակությունը,,, դե ինչ, գնացինք....

1. Այն ունի գլուխ և պոչ, սակայն պոչից բռնելով նրան երբեք չես կարող բարձրացնել գետնից: Ինչի՞ մասին է խոսքը:
                                             .................................
2. Եթե իմ ճամփին չլինի արգելք,
Իսկ դուք ինձ արագ ու ուժեղ նետեք,
Պտույտ կգործեմ օդում ես ազատ
Քեզ մոտ ես կգամ, դու` իմ հարազատ:
Ինչի՞ մասին է խոսքը:

                                        ................................

3. Ես, իմ ամբողջ ազնվությամբ, խոստանում եմ այս խնդիրը ճիշտ պատասխանողին օգնել դառնալ մոդերատոր: Այսպիսով, խնդիրը..
Կլոր աշտարակում պահվում էին բանտարակյալները: Նրանք երեքն էին և յուրաքանչյուրը պահվում էր աշտարակի մի անկյունում:
Վերը նշված խնդրում գտեք 2 սուտ փաստարկ:
                                        ...............................
4. Այսպես կոչված գունավոր քարանձավների ցուցադրության ժամանակ մի արտասովոր դեպք է տեղի ունենում. ճանապարհորդը մտնում է քարանձավ շան ուղեկցությամբ և դուրս գալիս առանց շան: Ո՞րն է ասվածի հնարավոր բացատրությունը:
                                          ..............................
5. Կա մի լիճ Ասիայում, որն հայերի համար և ճաշատեսակ է, և միրգ: Ո՞ր լճի մասին է խոսքը:
                                            ..............................
6. Ո՞րն է դիմացինի բերանը փակելու երբևէ ամենահաճելի, իսկ որոշ սկզբունքորեն հնարավոր դեպքերում ամենատհաճ միջոցը:
                                             ...........................
7. Նստեք աթոռին այնպես, որ իրանը ուղղահայաց լինի նստարանի հետ, իսկ ոտքերը ուղղահայաց լինեն հատակի հետ: Իսկ այժմ փորձեք կանգնել այդ դիրքից` առանց իրանն առաջ թեքելու, կամ առանց ոտքերը հետ տանելու: Եթե դուք կատարեք այնպես, ինչպոս այստեղ էր նշված, ձեզ երբեք հնարավոր չի լինի կանգնել: Իսկ դուք արդյոք գիտե՞ք, ո՞րն է դրա պատճառը:
                                              ...........................
8. Ի՞նչ կարող է նշանակել հետևյալ նախադասությունը. Կատուն, նստած դռան կողքին, երազում էր կերի մասին:
                                           ............................

9. Արդյո՞ք նույն երկրին են վերաբերում Գվինեա և Գվինեա Բիսաու անունները:

                                                   ..........................
10. Ո՞վ է հայ գրականության մեջ առաջին անգամ շոշափել սոցիալական թեման:
                                         ..........................
11. Ինչպե՞ս է առաջացել կենգուրու բառը:
                                      .........................
12. Բացեք գաղտնագրերը.

  Գ Ը Ն Ք Ց                         Ռ Վ Ս Ժ Վ
 -                                    +

  Ա Գ Ճ    Ռ                        Ռ Ռ Վ Ժ Ռ
 -------------------           ------------------

առաջացած երկու բառերը ո՞ր գրական հերոսի մասին են հիշեցնում:
                                           ........................

13. Մի ինքնակոչ ճանապարհորդ իր կատարած արկածների մասին գիրք էր գրել. մի տեղ նա գրել էր.
... Առյուծը շատ ահարկու տեսք ուներ: Ես վախեցա ու վազեցի դեպի ծառը: Սկսել էի բավական բարձրանալ, երբ ինչ- որ բան թրմփաց դեմքիս, իսկ հետո թևերը թափահարելով թռավ: Հասցրեցի զննել ու հասկացա, որ դա կիվի թռչունն է: Ինչևէ. արդեն վերևում էի, ու առյուծից վախենալու ոչինչ չունեի,,, սկսեցի հեռադիտակով զննել շրջակայքը: Հեռվում նկատեցի մի ցատկոտող խոշոր կենդանի: Լավ նայելուց հետո, եկա այն եզրակացության, որ դա կենգուրու է:
Գրաքննադատները ճանապարհորդ- գրողին պիտակավորեցին որպես հիմար ստախոս: Ինչո՞ւ:

........

Waiting !