Ինչու

հեղինակային

nbsp;

Ինչու է ստեղծված երազանքը այն,

Որ մատնված է չկատարվելու,

Երբեմն էլ այնքան խորն է զգացմունքն այն.

Որ մատնված է արհամարհվելու:

Ինչու են գրված գրքերը սիրո

Եթե պարզապես հեքիաթ են դատարկ,

Ֆիլմերն ինչու են այդքան գեղեցիկ,

Զվարճացնելու համար են միայն:

Եվ այդ գրքերը ինչու եմ կարդում

Եթե սեր չկա, ինչու եմ սիրում,

Ինչու եմ նայում, ինչու եմ լռում,

Եվ նա ինչու է ինձ արհամարհում:

Ինչու են ստեղծված բառերը հազար,

Երբ մատնված եմ քո դեմ լռելու,

Եվ այս տողերը ինչու եմ գրում,

Երբ մատնված են չհասկացվելու:

Երբեք չեմ ների այն երազներին, 

Որոնք երազել չկարողացա

Եվ երազում եմ, որ չծաղրես այն, 

Ինչը դու այդպես էլ չհասկացար:

Ասացեք միշտ է այսպես լինելու...

Կամ ում երազանքն է կատարվելու...

Եվ մեզ համար, թե մեր ճակատին է

Երկնքից երեք խնձոր ընկնելու: