Տրամաբանություն և գիտելիք (մաս 7)

Գնացինք..

1. Ծովում ամեն տեսակ քար կա, բացի մի քարից: Ինչի՞ մասին է խոսքը:

2. Կղզին ծածկված է խիտ բուսած չոր խոտով: Նրա մի կողմից հրդեհ է սկսվել: Հենց այդ կողմից էլ փչում է ուժեղ քամի: Օգնիր այդ պահին կղզում գտնվող մարդուն, որը լողալ չգիտե, ի՞նչ պետք է անի, եթե հրդեհը հնարավոր չի հանգցնել:

3. Ցամաքում ձին կապելու ցից չկա: Միակ ցիցը գտնվում է արոտավայրի մեջտեղում գտնվող լճի կենտրոնում, իսկ ձիապանն էլ լողալ չգիտի: Ճիշտ է, թոկը բավականին երկար է, բայց հնարավոր չէ նետելով գցել ցցի վրա: Օգնիր ձիապանին կապել ձիուն:

4. Նոր էինք կարտոֆիլը կերել, վերջացրել, երբ հյուրեր եկան: ՀԱյրիկը նշան արեց, որ նոր կարտոֆիլ բերեմ խորովելու համար: Ես բերեցի այնքան թվով կարտոֆիլ, ինչքան, որ հյուր ունեինք: Բայց երբ խորոված կարտոֆիլներով լցված ամանը դրեցի սեղանին, յուրաքանչյուր հյուր վերցրեց երկու կարտոֆիլ, իսկ վերջին հյուրին ոչինչ չհասավ: Քանի՞ հյուր ունեինք:

5. Գայանեն ու Գագիկը քույր ու եղբայր են: Գայանեի քույրերը երկու անգամ քիչ են եղբայրներից, իսկ Գագիկի մոտ հակառանկն է, եղբայրներն են երկու անգամ քիչ քույրերից: Քանի՞ քույր ու քանի եղբայր են:

6. Մի մարդ, որին ավազակ էին անվանում, մտնում է խանութ ու պահանջում է 9 կգ խնձոր, 3 պահածո և 12 տուփ լուցկի: Նրանից խանութպանը պահանջում է 10 ռուբլի 70 կոպեկ: Գնորդը չգիտեր ապրանքների գները, բայց միանգամից հանում է դանակը ու դեմ անում վաճառականի կոկորդին: Խանութպանը ուղղում է իր ''սխալը'': Գնորդ ինչպե՞ս իմացավ, որ խանութպանը ճիշտ չի հաշվել: Եթե իմանաս պատասխանը, նաև կիմանաս, որ պակաս խաբեբա չէր նաև խանութպանը:

7. Ըստ պատմության իբր կա մի գյուղ, որտեղ ապրում են տեղացի բնիկներ և եկվոր բնակիչներ: Տեղացիները ճշտախոս են, իսկ եկվորները միշտ սուտ են խոսում: Մարդահամարն անցկացնելու համար գյուղ է գալիս մի տեսուչ: Նրան անհրաժեշտ էր, որ մեկն իրեն օգնի, և ցանկանում էր, որ օգնականը լինի ճշտախոս: Բայց ինչպե՞ս ստուգել: Նա օգնականին պատվիրում է գնալ մոտակա տուն և հարցնել` տեղացի՞ են, թե՞ եկվորներ: Օգնականը վերադառնում է և ասում, որ նրանք իրենց համարում են գյուղի տեղացի բնիկներ: Կարո՞ղ ես ասել, օգնականը ճշտախո՞ս էր, թե՞ ստախոս:

8. Ո՞ր քիմիական տարրը ունի մկնդեղ անվանումը:

9. Գիտե՞ք, արդյոք հետևյալ կարևոր հեռախոսահամարները. ո՞ր հեռախոսահամարով են զանգահարում ոստիկանություն, հրշեջ ծառայություն, շտապ օգնություն: Այժմ ասե, թե որ հարցն եմ տվել ամենասկզբում:

10. Ինչո՞ւ է իտալացի վարսավիրին ձեռնտու սափրել երկու անգլիացու, քան մեկ ֆրանսիացու:

11. Տիկին Արփինեն ունի կենդանիներ: Բոլորը, բացի երկուսից, շներ են, բոլորը, բացի երկուսից, կատուներ, բոլորը ,բացի երկուսից, թութակներ: Քանի՞ կենդանի ունի տիկին Արփինեն:

12. Մի վաճառական հավաստիացնում էր, որ իր վաճառած թութակը ինչ լսի, կկրկնի: Գնորդը գնեց թութակին, իսկ մի շաբաթ հետո վերադարձրեց ` պատճառաբանելով, որ թութակը չի խոսում: Վաճառականը ապացուցեց, որ ինքը սուտասան չէ: Ինչպե՞ս:

13. Մի իր կա, որ չափազանց կարևոր է նավաստիների համար, սակայն ժամանակ առ ժամանակ այն ստիպված են լինում ջուրը նետել: Ի՞նչ իրի մասին է խոսքը:

14. Մեր դպրոցի բասկետբոլի թիմը անցած շաբաթ խաղաց հարևան դպրոցի բասկետբոլի թիմի հետ: Մենք հաղթեցինք 76:30 հաշվով, բայց ոչ մի բասկետբոլիստ ոչ մի գնդակ ցանցը չէր նետել: Ինչպե՞ս կարող էր դա պատահել:

15. Դատարկ սենյակի առաստաղից կախված են որոշակի հեռավորության վրա գտնվող երկու թելեր: Այդ թելերից բռնելով հնարավոր չէ իրար հասցնել ծայրերը: Ինչպե՞ս թելերի ծայրերը կապել իրար` օգտագործելով միայն մկրատ:

16. Բավականին մեծ գորգի կենտրոնում դրված է ջրով լցված բաց շիշ: Անհրաժեշտ է վերցնել շիշը` հեռացնելով այն գորգի վրայից: Մինչև գորգի վրայից հեռացնելը` շշին ոչնչով չդիպչել: Ինչպե՞ս վարվել

17. Ի՞նչն է գտնվում հայտարարի վերևում:

18. Ի՞նչ կողմ ունի այն միակ քառակուսին, որի մակերեսն ու պարագիծը հավասար են:

.........
վերջ