Տրամաբանություն և գիտելիք (մաս 10)

........թեթևոտ..

1. Այն ի՞նչն է, որ կարող ես պահել, բացել, փոխանակել և միևնույն ժամանակ, կարելի է ասել, միակ բանն է, որ կարող ես տանել հետդ:

2. Մի այսպիսի հարց` խոհանոցում գործ ունեցողներին. բորշ եփելուց առաջինը ի՞նչն են մեջը գցում:

3. Այն ի՞նչն է, որ պատկանում է քեզ, բայց օգագործում են հիմնականում ուրիշները:

4. ԱՄՆ-ի 22-րդ և 24-րդ նախագահների հայրն ու մայրը նույնն են եղել, բայց իրենք եղբայրներ չէին: Բացատրեք:

5. Որտեղի՞ց է առաջացել " Այնպես խմեք, որ առյուծ սպանեք, այլ ոչ թե աղբանոցում մեռնեք" արտահայտությունը:

6. Արևին փոխարինեց ջուրը, ջրին` 600 տարի հետո ավազը, ավազին` 1100 տարի հետո` մեխանիզմը: Ինչի՞ մասին է խոսքը:

7. Հայտնի են բազմաթիվ դեպքեր, երբ մոլորված կատուները վերադարձել են տուն` հաղթահարելով 100-ավոր կմ-եր: Իսկ ինչո՞վ է նշանակալի Ամադո կատվի դեպքը, երբ նա տուն է վերադարձել` անցելով ընդամենը 25կմ:

8. Հայտնի նկարիչ Գոյան, նկատի ունենալով 2 հակադիր գործողություններ, ասել է. «Դրանցից մեկը մարդ կարող է սովորել 2 տարում, իսկ մյուսը սովորելու համար ամբողջ կյանքն էլ կարող է չբավականացնել»: Որո՞նք են այդ գործողությունները:

9. Ֆրանսիական արքայական կանոնադրությունը սահմանում էր. երկու սպայի հանդիպման ժամանակ առաջինը պատիվ է տալիս նա, ում կոչումն ավելի ցածր է: Իսկ ի՞նչ է սահմանում կարգը այն դեպքի համար, երբ հանդիպում են հավասար կոչում ունեցող սպաներ: Ո՞վ պետք է առաջինը պատիվ տա:

10. 1997թ. Մայիսի դրությամբ Լա-Մանշը լողալով փորձել են անցնել 4412 մարդ, որոնցից 505-ը հասել է իր նպատակին: Ըստ Գինեսի ռեկորդների գրքի` Լա-Մանշը ամենաարագը անցել է ֆրանսիացի զինվոր Ժան Մարի Սալետտին 1815թ.: Սակայն նրա ռեկորդը չէր կարող գրանցվել: Ի՞նչ պատճառով:

11. Թագավորի աղջկա հետ ամուսնանալու համար կար երկու հավակնորդ: Թագավորը երկուսին էլ տալիս է ոսկե խորդուբորդ կտոր ու առաջարկում է, դա դնելով կոշիկի մեջ և զգալով թագավոր, շրջել ու ծանոթանալ պալատին: Իսկ երբ վերադառնում են թագավորը նրանցից մեկի ուրախացնում է ` հայտնելով, որ իր աղջկան նրան է կնության տալու: Ինչո՞ւ, և ինչպես թագավորը եկավ այդ եզրակացությանը:

12. Բժշկից լսելով, որ ինքն անբուժելի հիվանդ է, վատատեսը սկսում է չարաշահել ալկոհոլը, իրատեսը գրում է իր կտակը: Ի՞նչ է անում լավատեսը:

 այսքանը...