Copy SMS

Դուք լավն եք մարդի՜կ)


Դուք լավն եք մարդի՜կ) -  Համո, Սահյան, բանաստեղծություններ,


Աշխարհում միշտ բաց են եղել
Դռներս կրնկի վրա…
Ելնողին չեմ ասել՝ արի՛,
Մտնողին չեմ ասել՝ գնա՛։
Իմ ձեռքին ինչ որ ունեցել,
Բոլորը բաշխել եմ ձրի՝
Եվ հացի պատառը վերջին,
Եվ վերջին կաթիլը ջրի։

Դուք լավն եք մարդի՜կ) -  Համո, Սահյան, բանաստեղծություններ,


Բաշխել եմ եղածի չափով,
Չեմ ցրել, բաշխել եմ, մարդիկ…
Երբեմն բուռ-բուռ եմ բաշխել,
Երբեմն հատիկ առ հատիկ։
 
Բաշխել եմ կրակ ու կորով,
Ժպիտներ, ուժ ու ժամանակ,
Թե մեկից մի բան եմ խնայել,
Իմ ցավն եմ խնայել մենակ։
 
Բաշխել եմ ինչ որ աշխարհում
Տրվում է միայն մեկ անգամ,
Ու որքան առատ եմ բաշխել,
Դժգոհ եք եղել դուք այնքան։

Դուք լավն եք մարդի՜կ) -  Համո, Սահյան, բանաստեղծություններ,


Ասել եք, խոսել, բողոքել
Եվ անգամ նախանձել, որ կամ,
Կոչել եք դժկամ ու դժնի,
Ժլատ եք կոչել ինձ անգամ…
Առել եք և՛ բախտ, և՛ բաղձանք,
Եվ կյանքս ծվեն առ ծվեն,
Եվ ինձնից առածի տեղակ
Հոգսեր ու ցավեր եք տվել։
 
Դուք լավն եք մարդի՜կ) -  Համո, Սահյան, բանաստեղծություններ,
 
 
Որքան էլ ինձնից հեռացել,
Դուք ինձ միշտ եղել եք մոտիկ,
Մարդիկ, ինձ շատ եք չարչարել,
Բայց էլի դուք լավն եք, մարդիկ։
 
Բայց էլի դուք լավն եք, մարդիկ,
Ասում եմ որերորդ անգամ,
Առանց ձեզ ոչ միայն ապրել,
Ես մեռնել չեմ կարող անգամ։
 
 

Համո Սահյան.

10

4

1294

  • HAK
    2015-03-21 21:27:35
    (բռավո) (բռավո)
    • Մարի
      2015-03-22 14:27:58
      Մերսի O:)
  • crazy psychologist ☯
    2015-03-24 13:06:19
    շաաաաաաատ լավն էր (ծաղիկ)
    • Մարի
      2015-03-24 17:48:07
      Մերսի (ծաղիկ)