Ձմեռային փոքրիկ հրաշք

Ամեն անգամ, երբ գալիս է ձմեռը մենք բոլորս մանկանում ենք, բոլորիս սիրտն էլ լցվում է ինչ որ անբացատրելի բարությամբ ու մեծ սիրով:Հրաշքն ամենևին էլ Ամանօրը չէ: Հրաշքը դա հենց ինքը՝ ձմեռն է: 

-Ձմեռն ի՞նչ է:

-Դե, մարդիկ դրան ասում են եղանակ, տարին ունի չորս եղանակ, իսկ ձմեռը չորորդն է:Բայց ուզու՞մ ես իմանալ, թե ինչ է իրականում Ձմեռը: Դա գաղտնիք է՝ թաքնված մարդկանցից, բայց ես կարող եմ քեզ ասել:

-Ես շա՜տ եմ ուզում իմանալ թե ինչ է Ձմեռը:

-Այ տես, Ձմեռը ինչ չէ՝ ով է: Նա փոքրիկ աղջիկ է՝ երկար թարթիչներով, փոքրիկ թաթիկներով, բարակ ու երկար մատիկներով, աչուկները մե՜ծ են ու կապույտ, նա շա՜տ ճերմակ է:

-Իսկ նա չարաճճի՞ է, այ ինձ պես:

-Դժվար է ասել, նա մե՛կ շատ հանգիստ է, մե՛կ էլ տեսար գիժ ու խելառ կխաղա անվերջ մանուկների հետ, մանուկներն կհանձնի իր երկա՜ր ճերմակ մազերը, որ խաղան դրա հետ:

-Իսկ մարդիկ ինչու ՞ չգիտեն այդ փոքրիկ հրաշքի մասին:

-Մարդիկ զբաղված են լինում ամանօրյա եռուզեռով, նրանք փնտրում են հրաշքները տարբեր ու շատ ուտելիքների, խմիչքների մեջ, ու չեն նկատում թե այս ձմեռային փոքրիկ հրաշքը ինչպես է գալիս ու անցնում իրենց կողքով:

-Հիմա ի՞նչ, այս հրաշքի մասին գիտենք միայն ես և դու՞:

-Ոչ, կա ևս երկու մարդկանց խումբ, որ գիտի այս հրաշքի մասին:

-Ովքե՞ր:

-Բոլոր մանուկները, ու սիրող զույգերը: Մանուկները այդ աղջնակի ընկերներն են դրա համար էլ գիտեն:Իսկ սիրահարվածմներ...Ա՜խ այդ սիրահարվածները...Նրանք չեն մրսում այս սառը աղջկանից, նրանք գրկում են իրար ու միմյանց գրկում տաքանում:

Բայց մարդիկ ինչքան էլ չճանաչեն այս աղջնակին միևնույնն է, երբ Ձմեռը այցելում է իրենց, գոնե մի պահ նրանք իրենց աչքերը բարձրացնում են վեր, խորը շունչ են քաշում ու հասկանում են, որ Ձմեռը հրաշք "եղանակ" է:Նրանց սրտերը լցվում են սիրով ու նրանք տածում են սեր բոլորի հանդեպ:

-Իսկ մարդիկ ինչու՞ են զարդարդում քաղաքը երբ, այցելում է Ձմեռը:

-Դա սիրուն է, շա՜տ սիրուն է, համաձայն չե՞ս:

-Համամիտ եմ:

-Մարդկանց կարծիքով դա նրանք անում են, որպեսզի ստեղծեն տոնական տրամադրություն

-Իսկ իրականու՞մ

-Իրականում նրանք իրոք դա այդ նպատակով են անում, բայց տոնը ամանօրը չէ՝ տոնը հենց ինքը Ձմեռն է, Ձմռան այցելությունը:

Մարդիկ ասում են, որ ձմռանը հրաշքներ կատարվում են, բայց իմացիր՛ր ձմռանը հրաշքներ չեն կատարվում, Ձմեռն ինքնին մի հրաշք է...Ձմեռը ձմեռային փոքրիկ հրաշք է:

ՀԳ. Գրառումը արվել է Ձեր սրտերում մի փոքր ձմեռային տրամադրություն ստեղծելու համար :)