Բամբասկոտ աղջիկը

Հեռուստասերիալի գաղափարը պատկանում է ամերիկացի հայտնի հեռուստատեսային սցենարիստ և պրոդյուսեր Ջոշ Շվարցին և նրա գործընկեր Ստեֆանի Սավաժին: Պատանեկան դրամայի համար հիմք է ծառայել Սեսիլիա ֆոն Ցիգեզայի համանուն վիպաշարը: Իսկզբանե <> ծրագիրը պետք է գեղարվեստական ֆիլմ դառնար, որի գլխավոր հերոսի դերակատարն էր Լինդսեյ Լոխանը, իսկ սցենարիստը՝ <> վարկանիշային հեռուստասերիալի սցենարիստ Էմի Շերման Պալլադինոն:Սակայն Ուորներ Բրազերսի ղեկավարությունը հրաժարվում է ծրագրի ֆինանսավորումից:

Ավելի ուշ FOX հեռուստաալիքը ցանկություն է հայտնում ստեղծել հեռուստասերիալի սեփական տարբերակը, սակայն աշխատանքը դադարեցվում է սցենարի նախապատրաստման փուլում: Գիրքը էկրանավորելու միայն երրորդ փորձն է հաջողվում: 2015 թվականի մայիսի 15-ին The CW հեռուստաալիքը պատվիրում է ծրագրի առաջին 13 սերիաները:

Հեռուստասերիալի սյուժեն պտտվում է Նյու Յորքի ամենահայտնի թաղամասերից մեկում ապրող և էլիտային մասնավոր դպրոցներից մեկը այցելող երիտասարդների խմբի շուրջ: Դպրոցի աշակերտների կյանքի բոլոր դեպքերը հայտնի են ինչ-որ Բամբասկոտ աղջկա, որը իր բլոգի միջոցով հրապարակում է ամենաթեժ փաստերը և նորությունները: Բամբասկոտին հնչունավորում է դերասանուհի Քրիստեն Բելլը, որը այդուհանդերձ ոչ մի անգամ կադրում չի հայտնվում: Յուրաքանչյուր նոր սերիա սկսվում է Բամբասկոտի մեկնաբանություններով դպրոցի էլիտայի կյանքի մասին: Հեռուստասերիալի հիմնական գործող անձինք են Սերենա վան դեր Վուդսենը և նրա ընկերուհի Բլեր Ուոլդորֆը: Աղջիկները անընդհատ վիճում են տղաների պատճառով, բաժանվում մեկընդմիշտ՝ անելով մի շարք վատություններ մեկը մյուսին: Սակայն իրական կապվածությունը օգնում է նրանց հաղթահարել բոլոր տհաճությունները և վերամիավորվել:

Հեռուստասերիալի բոլոր վեց եթերաշրջանները նկարահանվել են Նյու Յորքում, հիմնականում Քվինսում, Բրուքլինում և Մանհեթենում:Նկարահանումների մի մասը անց է կացվել Քվինսում գտնվող տաղավարում, սակայն տների, բնակարանների և ուսումնական հաստատությունների ինտերիերների մեծ մասը մտացածին չեն և իրականում գոյություն ունեն: Ընդամենը մի քանի անգամ նկարահանող խումբը դուրս է եկել Նյու Յորքից, որպեսզի մի քանի սերիա նկարահանի Փարիզում ու Լոս Անջելեսում:

Մեծ նշանակություն ունի այն փաստը, որ Սեսիլիա ֆոն Ցիգեզայի գիրքը օգտագործվել է միայն առաջին 5 սերիաներում: Շարունակությունում հեռուստասերիալի հեղինակները լիովին հեռացել են գրքից և վստահել են սցենարիստների տաղանդին, ինչը բնականաբար դուր չի եկել գրողին: