Քո շնչից...

 Կոպերիդ տակ արևներ են վառվում,

Այրում են անշեջ Արեգակն աշխարհի:

Քո ձայնալարերից սարդի տունն է դողում,

Մրսում են քամիները քո շնչից:

Քո կոկորդում կայծակներ են թնդում,

Պարում է երակը պարանոցիդ:

Իսկ աչքերիդ դեմ լու՜ռ աչքեր են փակվում,

Մոխրանում են սրտերը քո շնչից:

Իմ կյանքի դռներն ես բացուխուփ անում,

Ներսուդուրս ես անում անհարկի,

Ոտնահետքեր ես թողնում իմ կյանքում,

Իսկ օդում փոշեհատիկներ քո շնչից:

Իմ ուղին քեզնոտ է այսուհետ,

Վաճառել եմ անհատույց հավիտյան,

Տվել եմ քեզ անվճար ու անհետ

Գողացել եմ մի ողջ կյանք քո շնչից: