Կարոտ

Ու˚ր ես դու հիմա…
Քեզ չեմ զգում,
Նույնիսկ մեր հեռավորությունը չեմ զգում,
Իմ վերջին հույս,
Իմ ամենօրյա խինդ-ուրախություն...
…Չէ՞ որ եղել ես...
 
Ու˚ր ես դու հիմա…
Հուշերիս թերթերը թերթում եմ հատ-հատ,
Բայց չեմ գտնում քեզ
Նույնիսկ ակնթարթ...
…Չէ՞ որ եղել ես...

Ու˚ր ես դու հիմա…
Անգամ կարոտը մոռացել է
Թե´ Ինձ,
Եվ թե´ Քեզ...
…Չէ՞ որ եղել ես...

Ու˚ր ես դու հիմա…
Իմ սրտում,շուրթերիս վրա,
Իմ խենթ մտքերում,
Իմ ապրած ու կարոտած օրերում...
…Չէ՞ որ եղել ես…

2013թ.