ՇՆՈՐՀԱՎՈՐ ՄԱՅԻՍԻ 9 -Ը՝ ՀԱՂԹԱՆԱԿՆԵՐԻ ՕՐԸ

 Մայիսի 9-ը հայ ժողովրդի համար հիրավի նշանակալից տոն է: Այն իր մեջ ամփոփում է, ո՛չ միայն հաղթանակներ ու ձեռքբերումներ, զրկանքներ ու դժվարություններ, այլև անցյալն ու ներկան իրար շաղկապող հզոր գաղափար: 
     Այսօրվա, մերօրյա, նորօրյա հերոսների կատարածը շարունակությունն է մեր նախորդների կերտած պատմության: 
     Հազարավոր ազատամարտիկներ չտեսան իրենց իսկ կռած հաղթանակը, կյանքը զոհաբերեցին հանուն մեր երկրի անկախության ու անվտանգության: Նրանց անունները ոսկե տառերով գրվեցին հայոց ազատամարտի պատմության մեջ: Փ՜առք բոլոր նրանց, ովքեր տարիներ առաջ, իրենց կյանքի գնով կռեցին հաղթանակներ, մեր այսօրվա խաղաղ օրվա համար:   

   Փ՜առք բոլոր նրանց, ովքեր այս պահին Հայոց պետական սահմանն

 են հսկում, տոգորված իրենց նախնիների սուրբ պատգամներով, կատարելով այդ վեհ առաքելությունը նրանցից յուրաքանչյուրը մի ամուր սյուն է, պարիսպ մեր սահմաններին: Փ՜առք այն մայրերին, որոնք հայրենիքի պաշտպանի ոգով դաստիարակում են և հայոց բանակի շարքերը համալրում են իրենց զավակներով: 
     Փառք ու պատիվ քեզ իմ Հայ ժողովուրդ ...