Copy SMS

Մար 31

Թևավորների խոհանոցը

Այսօր թռչուններին դիտելը հաճելի ժամանց է շատերի համար, քանի որ մարդկանց գրավում է նրանց հետաքրքիր վարքը, գեղեցկությունը, սիրախաղերը և դուրեկան դայլայլը։ Բացի այդ, թռչունների վարքին հետևելով և նրանց մասին խորհրդածելով՝ մարդիկ կարող են արժեքավոր բաներ սովորել։ Ուստի արժե՛ «ուշադիր նայել երկնքի թռչուններին»։

Նոյ 03

Աշուն

Հանգչող բնության ոսկեվառ ոգին աշուն է ներկում: Դեղնակարմիր ծառերը խշշում են մեղմաձայն, գույնզգույն տերևներին օրորում է մի լուռ թախիծ: Ծառերը մերկացել, տերևաթափ են դարձել: Նրանք հառաչում են ինչպես մի ծերունի, ով կյանքի մայրամուտին այգաբացն է հիշում: Անձրևի ջրացող ուլունքները ճյուղերի վրա ալիքվող արցունք են կաթում և դիպչում չորացած տերևների տամկությանը: Ծառերը պատրաստվում են ձմռանը, որը մոտենում է՝ ուսերին դրած սառնության բեռը: Մերկացած ծառերին կփարվի ձյունը, որպես երբեմնի կարոտների և մեղավոր հույսերի ուշացած արդարացում: Չորացած տերևների հուշերի կանչը թերթում է օրացույցիս աշնանային էջերը: Ես հայտնվում եմ մանկության իմ արահետում, որտեղ ամեն մի ճանապարհ խաչմերուկ էր դառնում: Հիշում եմ, թե աշնանային օրերին որքան էր գեղեցկանում մեր այգի տանող  ճանապարհը. թափված տերևները, որպես արևի բեկված շողեր, զարդարում էին փողոցները:
  Տերևների մեղմաձայն շրշյունը դիպչում էր ականջիս և շոյում սրտիս նեղ լարերը: Քամին միշտ խաբում էր տերևներին՝ խելահեղ պարի հրավերով և տանում նրանց իր անդին հեռուները: Տերևները դողում էին աշնան սարսուռով, որը վերահաս ձմռան նախերգանքն է: Մինչ տերևներն աշուն էին երգում, գթազուրկ քամին տալիս էր նրանց վերջին քայլերթը: Ես տերևներ էի հավաքում աշնան գունագեղ պարահանդեսից և, որպես դեղին էջանշաններ, պահում իմ սիրելի գրքի էջերում: Այդ ժամանակից անցել են տարիներ: Փոփոխվող աշխարհի թարմությունը մաքրում է նույնության հայելին: Մի առավոտ, երբ ես նստած էի սենյակիս անկյունում, դարձյալ ձեռքս առա և բացեցի  Ակսել Բակունցի գիրքը, որի էջերում պահվում էր ծառերի ոսկեգույն թախիծը: Մանկության հեռավոր բույրերը լցվեցին հոգուս խոր անձավները: Տերևների սառած երակներում դեռ ապրում էին իմ մանկության կյանքի արևոտ հուշերը : Հաստաբուն ծառերը, որոնցից երբևէ կառչում էին տերևները, միշտ կանգուն են,- մտածում էի ես: Նրանք վաղուց մոռացել են դեղնակարմիր հրաշքներին, քանզի այժմ նրանց ճյուղերից թափվում են ուրիշ տերևներ,- շարունակվում էին մտորումներս,- մոռացումն է գծում հիշողության սահմանը:
  Մի օր աշունը գարուն կդառնա, ամիսների վազքին կհաջորդի տարիների երթը: Ձուլվելով բնության ոգուն՝ տերևներն աշուն կբուրեն, խառնելով աշխարհին իրենց անձրևոտ շշուկները: Մի կողմ դնելով գիրքը,հնացած  ես ես վեր կացա տեղիցս, տերևները ձեռքիս մոտեցա պատուհանիս: Նրանց մեկիկ-մեկիկ հանձնեցի քամուն՝ միահյուսելով ազատության զրնգուն կանչին: Գունագեղ պարի թովիչ պտույտը տարավ նրանց անծանոթ աշխարհներ: Երփներանգ անուրջները ձուլվեցին տերևների աշնանային երամին: Թող տանի նրանց քամին և պահպանի բնության ներդաշնակությունը: Ժամանակը հավերժական նորոգման հարատև ընթացքն է: Ընկնելուց հետո տերևներն այլևս չեն փարվի ճյուղերին, սակայն կկերտեն նորաբողբոջ ծառերի զմրուխտե տեսիլը: Դիպչելով բնության զարկերակին՝ նրանք ծաղկաբույր գարուն կբերեն:
Ամեն աշնան հետ նրանք կվառեն իմ մանկության բույրերի գույնզգույն հանդեսը:
Եվ տխրությունը ուրվական դարձած,
Թափառեց բոլոր կողմերն անպատճառ,
Անտառի՛ց, անտառ՛, փողոցից՛, փողոց՛,
Մայթից՛, մայթ՛ ու պարուրեց ինձ……….. 

Ինչ եք ցանկանում գնել այսօր՞

Հուն 28

Աշխարհի ամենատպավորիչ ծառերը

Երբեմն թվում է, որ աշխարհը կեղտով ու աղբով լի է, եւ արդեն ոչ մի բան չի կարող բարձրացնել մեր տրամադրությունը։ Բայց հենց այս պահին օգնության է հասնում բնությունը, որը երբեք չի դադարում զարմացնել ու հիացնել մեզ։ Ներկայացնում ենք աշխարհի ամենատպավորիչ ծառերը, որոնք ասես հրաշք լինեն։




Նոյ 12

Մանուշակներ...

Բնապատկերները չի փոխում բնավ քո բնությունը,
Մանուշակները ինչ-որ կոպեկներ արժեն քաղաքում,
Սոված մի աղջիկ գրավ է դրել իր հեզությունը,
Դու իմ սերն էիր քո մեջ կշռում և կշռադատում:
Ի՞նչ արժեր արդյուք անհույս պոետի երկնային սերը,
Աղքատությունից խամրել մի ինչ-որ խալխուլ տնակում,
Բնապատկերներ, տիեզերք, հույզեր, աստղային նվագ,
Այս ամենի մեջ ոռնում է ինչ-որ ցուրտ դատարկություն:
Կշռադատելով սիրելը արժե ինչ-որ կոպեկներ,
Մանուշակները գին չունեն միայն հույզերի հովտում,
Օ՝, խեղճ ու կրակ և անդամալույծ իմ աստվածներր,
Մի՞թե իմ սերը այդքան թեթև էր կշռում կյանքում ...


5

0

3611

Սեպ 19

Կենդանիներ, որոնց բնությունը մոռացել է ներկել և բարի գալուստ ետ ♥

Բարև բարև բոլորիիիին։ Չեք պատկերացնի ինչքաաաաաան շաաաաաատ եմ կարոտել ձեզ։ Չգիտեմ ինձ կհիշեք, թե չէ, եթե անկեղծ լինեմ, գաղտաբառս մտքիցս տռել էր, լրիվ, դրա համար, ու ոչ միայն, էտ թվում նաև ուրիշ պատճառներով չէի մտնում, բայց դե, ինչ եղել ա, անցյալում ա ... որ քոփիանունս հիշեի կասեյի, բայց լրիվ մոռացելեմ, ու չեմ ասի 
Դե լավ, ինչ որ ա, ես սենց անկապ չեմ թողնելու էս գրառումը, դրա հաամր անցնենք հիմանական մտքին 
 Կենդանիներ, որոնց բնությունը մոռացել է ներկել